جوانح بالزنجبيل بخلطتي الخاصة ♡
المقادير
كيلو اجنحه دجاج
راس بصل
3 فصوص ثومة
فلفل اسود
فلفل ابيض
كمون
بهار دجاج
بهار مشكل
كركم
كاري
ملح
ماجي بودرة
معلقه خل
رشه قهوه
صوص صويا
زيت زيتون
برش الزنجبيل
طريقة التحضير
بتنظفي الاجنحه وبتغسليهم بالملح والمي
بصينية بتفرمي البصل والثومة ناعم وبضيفي عليهم زيت الزيتون والبهارات المذكورة اعلاه عدا القهوة والصوص صويا
يضيفي الاجنحه وبتخلطيهم لحتى يتجانسو وبتتركيهم ساعه زمن عشان ياخدو الطعم
بعدين بضيفي نص كاسة مي وبترتبيهم بالصينية وبترشي عليهم رشة قهوة وصوص صويا وبتحطيهم ع النار وبس ببلش الخليط يغلي بتخليهم ع نار هادية لحد ما يستوا (طبعا بتقلبيهم كل فترة والتانية عشان ما ينحرقو وعشان تتاكدي انه الخلطه ما تنحرق)
وبتقدمية بالطريقة المحببه الك.. الخلطه بتقدري تحطيها معهم وتاكلو منها
وصحتين والف عوافي