موسوعة الطبخ

عنوان الوصفة: فطور رمضان سهل وسريع ومميز من مطبخي بالصور . اضيفت بواسطة : silent . بتاريخ: 09/05/2017.

فطور رمضان سهل وسريع ومميز من مطبخي بالصور

من بقية العجين سويت كالزوني ..

الفطور الثاني .. كان تغيير جذري ( ولدي يوم شاف الفطور قال الله ياماما هذا غدا )



ومثل ماهو واضح المنيو كان عباره عن :

قهوه + تمر + معمول روز ~
ارز ابيض
دجاج بالكريمه ( استغرانوف كذاب )
سمبوسه
حلا بودينغ دانيت طبقات ~
.:.
هنا لقطه لـ أهم الاطباق ~



* الارز الابيض ( كل وحده وطريقتها )

* الاستغرانوف الكذاب ~
المقادير /

صدور دجاج مقطعه مكعبات

فلفل رومي مقطع مكعبات

قشطه خفق ( كريمه خفق المراعي او اي نوع تفضلونه )

رشه ثوم بودره + فلفل اسود

ربع مكعب ماجي

ملح

ملعقه صغيره دقيق

الطريقه /

نشوّح الدجاج بـ قليل زيت وعلى السريع الين يتغير لونها من غير ما تتطلع مويتها ~

نحط الماجي والفلفل الاسود والملح والثوم البودر ~

ونقلب على السريع !

انا احياناً اخلي الدجاج ياخذ لون الشوي .. واحياناً لأ ,,

نغطي عليه تقريباً 5 دقايق .. وبعدها نضيف الفلفل الرومي البارد ~

ونقلب كمان 5 دقايق ..

نضيف كوب قشطه خفق .. ونخليه الين يغلي ~

نأخذ تقريباً بياله شاهي ( قشطه خفق ) ونذوب فيها ملعقه الدقيق ,,

نضيفها على الوصفه .. ونقلب خلال 5 دقايق بتثقل وبـ تصير الصلصه ثخينه ~
( للمعلوميه : هالاكله كنت اطلبها بـ مطعم توتي كافيه و مضاف لها مشروم بس انا كنستله .. وحاولت ابتكر مقاديرها الين توصلت لطعم يرضيني )

* السمبوسه ما يحتاج .. اكيد انكم اسنع مني بـ وصفاتها ~

البودينغ ~



حلا العجازين .. اتبعت الخطوات على مغلف دانيت .. بس انا اضفت 3 ملاعق سكر لـ 500 مل الحليب المطلوبه .. وطالع الحلا مضبوووط ~

فكرة كونه شوكو & فانيلا .. حطيت بينهم بسكوت ماري

وما ننسى ملوك السفره الرمضانيه ~
فيمتوو & تانج



وبعد هذا كله .. شوفي فطوري في كل السفرتين



ما افطر الا على قهوه و تمر و كم حبه معمول .. يارب لك الحمد ~

اتمنى اكون وِفقت في مشاركتكم سفرتي المتواضعه ~