طريقة عمل حشوة سبرنج رول بالخضار والدجاج :
أحمس بصل وفلفل بارد وفلفل حار وثوم ( إختياري) وإذا تسبّك أفرمه خشن وأخليه على جنب.
أجيب مقلاة عميقة وكبيرة وأحط فيها شوي زيت زيتون وبعدين أحط صدر دجاجة مقطع مكعبات ومتبل بملح وفلفل وبهار وأقلقلة على نار عالية علشان مايطلع ماء وبعد دقيقتين وبنفس المقلاة أحط الخضار التالية مقطعة قطع صغيرة(كرنب،بصل أخضر،بروكلي وممكن جزر مبشور وذرة) وأحمسها على النار دقيقة بس وأتبلها بملح وفلفل أسود وبعدين أضيف كشنة البصل وأخلطهم سوا لمدة دقيقة على نار عالية وبعدين أطفي النار وممكن بعد مانطفي النار مضيف جبنة تشدر مبشورة
تقدرين تحشينها بالسبرنق رول او شرائح المطبق ويمكن فرزنتها ايضا .. انا حشيتها بقرصان بر نفس شكل السبرنق رول وطريقتها
أجهز قرصان البر وأقصصه حسب الرغبة لو حابين حجم صغير والا كبير وبعدين احط الحشوة بالوسط وأثني الأطراف وبعدين أبدأ ألف والنهاية أدهنها جبنة سايلة أو دقيق وماء وأرصها بصينية مدهونة بزيت زيتون وأدهنها من فوق بزيت زيتون بعدين أدخلها الفرن من فوق وتحت لين تتحمّر وعليكم بألف صحة وعافية 😋👍🏼