فستقيه بماء الزهر وصفه معروفه وقديمه بس شفت الاضافه المميزه لها ماء الزهر عاد ماء زهر وفستق واجتمعو 💔
وحبيت اجربها وطلعت لذيذه جداً جداً .
لعمل الفستقيه نحتاج الى :
بسكويت دايجستف استخدمت ٢٢ حبه
أصبع زبده او نصف كوب زبده
٣ ملاعق ماء زهر
للفستقيه :
كاس ونصف فستق مطحون
علبة نستله ( واضح اني مصوره علبة النستله فاضيه والكيري فاضي والبسكويت فاضي بعد 😂😂😂لاني نسيت اصور المقادير قبل اشتغل فيها 🙈)
٦ حبات جبن كيري
٣ ملاعق ماء زهر
الطريقة :
نطحن البسكويت ونخلطه مع الزبده وماء الزهر
نفرده في صينيه الفرن
نخلط مكونات الفستقيه ونسكبه على البسكويت وندخله الفرن ساخن ١٠ دقايق بس
لازم تطلعونها وهي ترج شوي وفي نفس الوقت سطحها اذ لمستيه مايلزق في اصبعك لانها اذ خليتها الى ان تطول و تتماسك تصير ناشفه ☹️
لاتخافون بعد التبريد بتتماسك اكثر
ندخلها الثلاجه ٤ ساعات تزين ( زينتها بفستق ومربى زهر الليمون ) وتقطع وتقدم
