عنوان الوصفة: كيفية عمل قرص عمر بالصور . اضيفت بواسطة : سمي الريم . بتاريخ: 14/01/2019.
كيفية عمل قرص عمر بالصور
جايبه لكم طبق شعبي بسكويت يقدم مع الشاهي يعني اللي يحب يقرض مع الشاهي
شي يسوي الصنف هذا واسمه (قرص عمر) مدري ليش الأسم ذا المهم اخليكم
مع المقادير والطريقه والصور
المقادير لعمل قرص عمر :
4كاسات دقيق بر
ملعقه كبيره حبة البركه
ملعقه صغيره بزار اصفر انا احط بهارات الكاري وكركم
نص كوب سكر ناعم
كوب سمن
ماء للعجن
الطريقه لعمل قرص عمر :
نخلط جميع المقادير مع بعض في طاسه واسعه ونضيف الماء ونعجن باليد حتى تصير العجينه سميكه شوي مهوب واجد لا شوي
نتركها نص ساعه تخمر ثم نكورها كور صغيره
ثم نجيب مصفى مثل اللي بالصوره او غيره المهم له خروم عشان الشكل ونفرد الكور عليه حتى تصير اقراص سميكه شوي
بعد ثم نرصها في صينية الفرن وتكون مدهونه وندخلها الفرن
ونحمر من تحت ومن فوق
وبالعافيه على قلوبكم