موسوعة الطبخ


عنوان الوصفة: رولات المسخن عبير العميرة . اضيفت بواسطة : عبير العميرة . بتاريخ: 29/04/2019.


 

رولات المسخن عبير العميرة
http://photos.encyclopediacooking.com/image/recipes_pictures%D8%B1%D9%88%D9%84%D8%A7%D8%AA-%D8%A7%D9%84%D9%85%D8%B3%D8%AE%D9%86-%D8%B9%D8%A8%D9%8A%D8%B1-%D8%A7%D9%84%D8%B9%D9%85%D9%8A%D8%B1%D8%A94.jpg

http://photos.encyclopediacooking.com/image/recipes_pictures%D8%B1%D9%88%D9%84%D8%A7%D8%AA-%D8%A7%D9%84%D9%85%D8%B3%D8%AE%D9%86-%D8%B9%D8%A8%D9%8A%D8%B1-%D8%A7%D9%84%D8%B9%D9%85%D9%8A%D8%B1%D8%A95.jpg

لعمل رولات المسخن على طريقتي |

1- نسلق 4 صدور دجاج أو دجاجه كامله بدون جلد تكون مقطعه أرباع ومنظفه مضبوط ومافيها جلد نضيف عليها ماء ونغطي القدر لين تطلع الزفره نشيلها بالكامل

ثمن نضيف : ( بصله مقطعه أرباع و3 فصوص ثوم مقطعه شرائح و ورق غار وعود قرفه وحبات هيل وكزبره عدله كلها وشوي فلفل احمر مطحون وفلفل اسود وبهارات مشكله مطحونه وشوي كركم وملح )

ونخليهم على النار يكملون سلق لين يستوون بعدين نصفّيهم من المرق ونحتفظ بالمرق في صحن عميق . (( ** هالمره سويته بقدر الضغط الكهربائي يجهز أسرع من القدر العادي

حطيت الصدور بالقدر وصبّيت عليها مويه تغطّيها بدون أي اضافات ! المدّة كامله / ١٣ دقيقه
انقصها لـ ٨ دقايق ثم أفتح القدر وأصفيه من كل الشوائب بعدين أضيف البهارات العدله مع البصل والثوم والملح وأضبطه ٥ دقايق ثم أصفيه ويطلع المرق طعمه متنكّه صح 👌🏻))

2- نفكك الدجاج عشوائي لشرائح ماتكون رفيعه مره كأنها خيوط لا عادي تكون كبيره شوي .
3- في تاوه نضيف بصل أبيض مقطع شرائح تقريباً 4 بصلات حجم وسط مع ربع كوب زيت زيتون أو أكثر شوي و نقلب لين يذبل البصل وبعدين أضيف فلفل اسود وربع كوب سماق وبعدين أضيف الدجاج وأحرك لين يندمجون مع بعض وآخر شيء حبات صنوبر محمّر + عصير ليمونه واللي يحب يضيف شوي دبس الرمان ..

4- نجهز خبز المسخن بدقيق البُر الكامل وبدون مواد حافظة ويجلس بالفريزر
٥ شهور ، مقصصته دوائر حجمين وسط وميني ، للمسخن أحب أسويه بالميني أرتب وأجمل بالتقديم .

5- الحين نحشيها نحط الدجاج

http://photos.encyclopediacooking.com/image/recipes_pictures%D8%B1%D9%88%D9%84%D8%A7%D8%AA-%D8%A7%D9%84%D9%85%D8%B3%D8%AE%D9%86-%D8%B9%D8%A8%D9%8A%D8%B1-%D8%A7%D9%84%D8%B9%D9%85%D9%8A%D8%B1%D8%A9.jpg

ونلفها مثل : السبرينق رول ونرتبهم بصينيه مدهونه بزيت زيتون وإذا خلصنا من كل الكميه نصب عليها شوي من المرق و ندهنهم بزيت زيتون وندخلهم فرن مسبق التسخين ولو فيه مروحه شغلوها من فوق وتحت تساعد إن الرولات تتحمر بأسرع وقت حلاتها
تكون محمره ومقرمشه 😋👌🏻

http://photos.encyclopediacooking.com/image/recipes_pictures%D8%B1%D9%88%D9%84%D8%A7%D8%AA-%D8%A7%D9%84%D9%85%D8%B3%D8%AE%D9%86-%D8%B9%D8%A8%D9%8A%D8%B1-%D8%A7%D9%84%D8%B9%D9%85%D9%8A%D8%B1%D8%A92.jpg

6- نرتبها بصحن ونرش عليها سماق وبقدونس مفروم وحبات من الصنوبر .

http://photos.encyclopediacooking.com/image/recipes_pictures%D8%B1%D9%88%D9%84%D8%A7%D8%AA-%D8%A7%D9%84%D9%85%D8%B3%D8%AE%D9%86-%D8%B9%D8%A8%D9%8A%D8%B1-%D8%A7%D9%84%D8%B9%D9%85%D9%8A%D8%B1%D8%A93.jpg

7- الصوص عباره عن :

زبادي وشوي طحينه وليمون وفلفل أحمر وشوي سومطره وفص ثوم مفروم .. حطو وذوقو لين توصلون الطعم اللي يناسبكم .. .

http://photos.encyclopediacooking.com/image/recipes_pictures%D8%B1%D9%88%D9%84%D8%A7%D8%AA-%D8%A7%D9%84%D9%85%D8%B3%D8%AE%D9%86-%D8%B9%D8%A8%D9%8A%D8%B1-%D8%A7%D9%84%D8%B9%D9%85%D9%8A%D8%B1%D8%A94.jpg

و بألف عافيه على قلوبكم يا رب ❤️✨.

http://photos.encyclopediacooking.com/image/recipes_pictures%D8%B1%D9%88%D9%84%D8%A7%D8%AA-%D8%A7%D9%84%D9%85%D8%B3%D8%AE%D9%86-%D8%B9%D8%A8%D9%8A%D8%B1-%D8%A7%D9%84%D8%B9%D9%85%D9%8A%D8%B1%D8%A95.jpg

* ملاحظة :

• السماق الأصلي يكون لونه غامق وطعمه فيه حموضه يختلف اختلاف شاسع عن اللي يجي لونه فاتح مصبوغ


عودة الى وصفات الطبخ