موسوعة الطبخ


عنوان الوصفة: طريقة عمل حلى كريم بروليه الفرنسي . اضيفت بواسطة : عبير العميرة . بتاريخ: 29/04/2019.


 

طريقة عمل حلى كريم بروليه الفرنسي
http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%AD%D9%84%D9%89-%D9%83%D8%B1%D9%8A%D9%85-%D8%A8%D8%B1%D9%88%D9%84%D9%8A%D9%87-%D8%A7%D9%84%D9%81%D8%B1%D9%86%D8%B3%D9%8A4.jpg

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%AD%D9%84%D9%89-%D9%83%D8%B1%D9%8A%D9%85-%D8%A8%D8%B1%D9%88%D9%84%D9%8A%D9%87-%D8%A7%D9%84%D9%81%D8%B1%D9%86%D8%B3%D9%8A5.jpg

كريم بروليه 🍮 Crème Brûlée | هذا الحلآ فرنسي من ألذ الحلويات وراح تدمنونه إذا ضبطتوه صح طبقت وصفات كثيرة الأفضل والألذ بالنسبه لي بعد التجارب هذي الوصفه /
الأكواب معيارية ..

( 6 صفار بيض ) نفصلهم زين عن البياض ويصير فيه خيط رفيع ع الصفار نفسه لونه أبيض شيلوه أفضل عشان تتأكدون وتضمنون عدم وجود ريحة للبيض . أنصحكم تستخدمون ( بيض رحيمة ) .

( 3/2 كوب سكر ) يعني ثلثين تبين تقللينه للنص أو الثلث مو مشكله على حسب الرغبة .

( عود فانيلا طبيعي وهو الألذ لكنه مايتوفر عندنا كثير فنستبدله بـ م ص فانيلا سائلة )

( 4 أكواب كريمة خفق ) " يعني 1 لتر اللي أحب استخدمه فيكتوريا أفضله جداً بهذي الوصفة لو ماحصلتوه ينفع أي نوع كريمة خفق .

( رشة ملح ) الملح يبرز الطّعم ضروري أضيفه مع كل الوصفات .



طيب الحين خلصنا من المقادير

نشرح الطريقة :-

1- نضيف بالقدر / الكريمه والفانيلا ونشغل عليهم النار هادئه وننتبه ضروري ما تغلي الكريمه نجلس نراقبه أول مايبدأ يطلع منه بخار وفقاعات بسيطه ع الحواف خلاص نطفي النار ونشيل القدر نخليه 10 دقايق تقريباً عشان تطعّم الفانيلا أكثر .

2- الحين نجي للصفار نخفقه مع السكر والملح نخفق بالسلك اليدوي باتجاه واحد لين يصير لونه فاتح ويتجانس السكر زين .

3- نبدأ ننزل الكريمه شوي شوي ع البيض ننتبه مرا شوي شوي عشان ما نطبخ البيض نبيه بس يتجانس بهدووء خلك رايقه لا تضيفين بسرعه 👌🏻

4- الحين بعد ماخلطناهم مع بعض نصفّيهم بصفاية فتحاتها مره صغيره عشان يصير الخليط مره ناعم مافيه أي تكتلات .

5- الحين نجيب قوالب تدخل الفرن كبيره أو صغيره الموجود عندكم ونكون مشغلين الفرن من تحت على درجة 180ْ نعبّي القوالب ونصفهم بصينيه ثم ندخلهم الفرن ونصب بالصينية مويه للنص تقريباً نبي الكريم بروليه يطبخ بهدوء بحمام مائي .

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%AD%D9%84%D9%89-%D9%83%D8%B1%D9%8A%D9%85-%D8%A8%D8%B1%D9%88%D9%84%D9%8A%D9%87-%D8%A7%D9%84%D9%81%D8%B1%D9%86%D8%B3%D9%8A.jpg

6- ياخذ بالفرن أقل شيء نص ساعه إذا القوالب صغيره .. كيف تعرفون انه جهز ؟
الاطراف تكون ماسكه واللي بالنص يهز خفيف وراح ياخذ لون تحمير خفيف إذا ماتبونه يتحمر غلفوه بقصدير ، إذا جهز طفّي الفرن وافتحي باب الفرن وخليه جوا الفرن نص ساعه او اكثر لين يبرد ثم دخليه بالثلاجه أقل شيء ساعتين .

7- عند التقديم نرش ع الوجه حبيبات سكر أبيض ناعمه ونحرقها بجهاز التورش اللي يطلع منه اللّهب " تلقونه ببعض المحلات : تافولا ، ساكو ، ملتقى الخبازين "

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%AD%D9%84%D9%89-%D9%83%D8%B1%D9%8A%D9%85-%D8%A8%D8%B1%D9%88%D9%84%D9%8A%D9%87-%D8%A7%D9%84%D9%81%D8%B1%D9%86%D8%B3%D9%8A2.jpg

جربت أضيف سكر بني وضبط وحسّيته خذا لون جميل جرّبوه اللي يجي حبيبات ناعمه مو مطحون .

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%AD%D9%84%D9%89-%D9%83%D8%B1%D9%8A%D9%85-%D8%A8%D8%B1%D9%88%D9%84%D9%8A%D9%87-%D8%A7%D9%84%D9%81%D8%B1%D9%86%D8%B3%D9%8A3.jpg

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%AD%D9%84%D9%89-%D9%83%D8%B1%D9%8A%D9%85-%D8%A8%D8%B1%D9%88%D9%84%D9%8A%D9%87-%D8%A7%D9%84%D9%81%D8%B1%D9%86%D8%B3%D9%8A4.jpg

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%AD%D9%84%D9%89-%D9%83%D8%B1%D9%8A%D9%85-%D8%A8%D8%B1%D9%88%D9%84%D9%8A%D9%87-%D8%A7%D9%84%D9%81%D8%B1%D9%86%D8%B3%D9%8A5.jpg

. • الوصفة سهلة بس حبّيت أفصّل فيها عشان تسهل عليكم وتفهمونها مضبوط


عودة الى وصفات الطبخ