موسوعة الطبخ
عنوان الوصفة: طريقة وصفة الفول القلابه من المطبخ السعودي . اضيفت
بواسطة : بهجة الحدايق . بتاريخ: 03/11/2019.
طريقة وصفة الفول القلابه من المطبخ السعودي بالصور
هذي طريقتي بالفول القلابه من سنوات وان شاء الله تعجبكم
انا ماراح امدح نفسي لكن جربوه وماراح تندمون بأذن الله
ندخل على المقادير لعمل الفول القلابة :
هنا المقادير مع بعض
3 علب فول مدمس مهروسه ( اي نوع فول تحبين )
3 بصلات صغار مقطعه ناعم عشان مايبين وقت الاكل
ثلاث حبات فلفل اخضر مقطعه حلقات
مكعبين ماجي + رشة ملح للرغبه + ملعقه كبيرة كمون + ملعقه صغيره فلفل اسود
8 حبات طماطم متوسط الحجم مطحونه بالخلاط
الطريقة لعمل الفول القلابة :
1/ نحمي الزيت لين يصير حار شوي ونحط البصل ( لازم تسمعين صوت طشة البصل بالزيت عشان يضبط الطعم )
2/ نحمر البصل خفيف
3/ نحط الفلفل الاخضر
4/ نخلي الفلفل دقيقه لدقيتين لين يذبل شوي بصل وتطلع ريحته
5/ نحط الطماط فوق البصل
6/ نخليه يتسبك 7 دقايق مع بعض لين يصير كذا
7/ نحط ملعقه كبيرة معجون طماطم ( صلصه )
8/ ونحط البهارات ونفتت الماجي بيدنا عشان يذوب على طول ونقلبهم
9/ نحط الفول الحين
10/ نحرك الفول ونخليه على النار 5 دقايق على نار هاديه ياخذ نكهة البهارات ويتسبكون سوا
الحين النتيجه النهائية فول قلابه :
من زاوية ثانية للتعذيب
وزاوية ثالثه
وهذي السلطه عباره عن : جرجير مقطع صغير وبصل اخضر وحلقات خيار
وهذا فطورنا كامل سلمكم الله