مصابيب او مراصيع حسب مسمات كل منطقه وهي اكله شعبيه كانت تنعجن فقط بالدقيق والمويه والمنكهات والخميره الحين اضافو لها الحليب والبيض والبعض اضاف الزبده واصبحت شبيهه بالبانكيك والنتيجه روعه طريه وغنيه اكثر وممكن نخليها مالحه باضافة حمسة بصل وزيت زيتون
المقادير :
2 بيض
رشة ملح
2 كوب دقيق بر اسمر
3 كوب مويه
3 ملاعق حليب بودر
1/4 كوب زيت
1 ملعقه صغيره خميره او بديلها بكنج بودر
نخلط كل المكونات مع بعض وتكون العجينه سايله مرنه اخف من عجينة الكيك
نتركها نصف ساعه ترتاح
ممكن نعملها وتكون مصابيب حاليه
لكن اذا تبغونها مصابيب مالحه تعملون حمسة بصل وطماطم وقطع صدور صغيره
واصب عجينة المصابيب بالحجم المرغوب على الصاج
وقبل ماتتماسك العجين أصب ملعقه كبيره من الحمسة على العجين
ثم أصب مقدار ملعقه من العجين يعني تصير الحمسة مثل الحشوة بالداخل
ثم اقلبها الى ان تستوي وتتحمر
قبل التقديم ارش عليها زيت زيتون
ونقدمها ساخنه
المصابيب المالحه وجبه متكامله ومغذيه
هاذا شكلها لما قصيتها الحشوه او الحمسه جت على جوه روعه