موسوعة الطبخ


عنوان الوصفة: مضغوط دجاج سريع . اضيفت بواسطة : دوحة القران . بتاريخ: 09/09/2008.


 

المضغوط هذا سرييييع مره وخطواته سهله
وبدون تكشين ولا شي والصراحه الذ من المكشن

ونبدا بالخطوات المصوره


اول شي حطي في قدر الضغط حبة طماطم مطحونه
وملعقتين كبار معجون طماطم وكمون وبهار دجاج وملح
وماجي ابيض وبهارات عدله هيل ودارسين وفلفل اسود
وورق غار وليمونه سودا وحبحر حار طازج وزيت اكثر من
الرز العادي وكاس مويه مثل ماتشوفون

http://www5.0zz0.com/2008/03/26/05/620074434.jpg

بعد كذا شبي عليه لين يطبخ ويتسبك شوي مدة
خمس دقايق بهالشكل

http://www5.0zz0.com/2008/03/26/05/453171153.jpg

وفي مدة طبخه قطعي الدجاج ونظفيه وحطيه عليه

http://www5.0zz0.com/2008/03/26/05/293374187.jpg

وسكري قدر الضغط واكتميه وبعد الصوت قصري له
مره وخليه عشر دقايق وطفي النار وافتحي الكاتم
وهذا شكله الدجاج مستوي وذايب على الاخر

http://www5.0zz0.com/2008/03/26/05/669079744.jpg

طبعا تكونين منقعه الرز تكبينه على الدجاج وتخلينه يغلي
لين يتشرب شوي ولا تخلين فيه الا شوي مويه
يعني يبان الرز بهالشكل

http://www5.0zz0.com/2008/03/26/05/729054112.jpg

في هالوقت اكتميه واذا طلع الصوت قصري له بسرعه
لايحترق وخليه عشر دقايق الى ربع ساعه
وافتحيه واستمتعي بالذ مضغوط
وهذا شكله النهائي

http://www5.0zz0.com/2008/03/26/05/530736744.jpg

وافضل سلطه للمضغوط سلطة الخيار والبصل الورق
وبعد الاكل ورق نعناع طازج لازالة اثار البصل
وايضا شوربة البطاطس والكريسبي المقلي
وهذي الوجبه كامله

http://www5.0zz0.com/2008/03/26/05/701043779.jpg

اتمنى يعجبكم وتقررون تجربونه
عليكم بالف صحه وعافيه


عودة الى وصفات الطبخ