موسوعة الطبخ
عنوان الوصفة: مطازيز او مرقوق دوحه باللحم . اضيفت
بواسطة : دوحة القران . بتاريخ: 09/09/2008.
مطازيز او مرقوق دوحه باللحم
اليوم طبقت لكم مطازيز بس سويتها كبار من العجز
يعني صارت في النهايه مرقوق
ونبدا بالخطوات المصوره
للعجينة اول شي اعجني
كاس ونص طحين بر
مع شوي ملح
وماء حسب العجن
يعني صبي شوي شوي
لين تصير متماسكه وقاسيه بس مو مره يعني مثل الفطاير وغطيها وخليها على جنب
بعد كذا كشني البصل مع الثوم ولما يذبل ضيفي له
ملعقتين معجون طماطم
سبكي المعجون شوي بعدين ضيفي له حبة طماطم
مقطعه صغار وخليها تتسبك وتبليه بالملح والبهار والكمون
والليمون الاسود والماجي و الفلفل الاسود وحبحر طازج
وبد كذا ضيفي اللحمه وحمسيها مع الكشنه شوي
وقصري للنار وخليها على نار هاديه ربع ساعه
بعد الربع ساعه صبي عليهم مويه مغليه لنص القدر
وطبقيه وخليه يطبخ لما تستوي اللحمه تقريبا نص استواء
وفي هالوقت جهزي العجين اول شي قطعيه قطع صغيره
وكوريها
واخبزيها وافرديها بالاله او بيدك
بعد الخبز حطيها وحده وحده بالقدر وكل ماحطيتي وحده نزليها في المرق شوي عشان مايلزقون في بعض
واذا ماعندك الاله رقيها بايدك قرص قرص وعلى طول في القدر
وطبعا تكونين مجهزه الخضار قطع كبيره
صفي الخضار كلها على المطازيز وخليها تطبخ وشوفي كمية المرق
بعد كذا غطي القدر وخليها تطبخ ربع ساعه وبعدين
قصري له وخليه على نار هاديه لمدة ساعه او اكثر
وكل ما طول كل ماكان الذ وقبل تقديمه بربع ساعه
حطي فوقه ربع اصبع زبده يذوب ويتسبك معه
اتمنى يعجبكم وتقررون تجربونه
عليكم بالف صحه وعافيه