من تجربتي وتجربة اهلي أفضل من اي عجينة استخدمتها حتى عجينة العشر دقايق عجبتني بس اهلي بيصروا على هذي العجينة دائما
وارجع اكتب لكم المقادير ،،
كوبين طحين
بيضة
م ك خميرة
2 م ك سكر
رشة ملح
ربع كوب زيت
3 م ك حليب بودرة
ماء نص كوب مبدئيا وزيدو لو احتجتو
الخطوات
اول شي نخلط كل شي جاف ماعدا الطحين
نضيف عليهم ربع كوب ماء ونخلطهم ونخليهم خمس دقايق
بعدها نضيف الزيت
والطحين
ونخلطهم
نضيف الماء حتى تتكون عندنا عجينة ناعمة ولينة ونخليها ساعة تخمر بعد مانغطيها
في نصيحة احب اقولاه للي تعجن العجينة وماتضبط معاها
اول شي العجينة تفشل :
اذا انحط السائل وانعجنت وقت قليل لدرجة انها ماتجانست فحسيتي العجين كانه طبقات ويتقطع لما تمطيه لازم يكون طري وناعم
ثاني شي السائل قليل لان الماء مانقدر نتحكم فيه الا حسب وش تحتاج العجينة والسائل نضيف شوي شوي ونعجن بضمير مو شوي ونقول صارت لينة او خشنة لا اعجنيها حتى السائل كله يتجانس معها اول شي بتحسي ان مواوكي بس لواستميرتي بالعجن وتتجانس حتشوفي العجينة كيف
ثالث شي ان الخميرة ماتتذوب او تتذوب بماي بارد او درجة حرارته مو فاتر وهالشي يخليها تخرب ولاتخمر العجينة
واللي مبتدئة افضل تبدا بالعجانة او الخلاط زي اللي عندي هذا لانه اسرع بس لازم كذا تجي يوم وتقعد بضمير تعجن وتتعلم
هذي بعد الاختمار (نص ساعة بس خليتها ) لان وانا اشكلها حتخمر كمان وكمان حتكبر بالفرن والجو حار بس في الشتاء تاخذ ساعة
واشتغلوا فيها بعدين انا عملت اليوم فطاير جبنة نوعين مزعتر واسفة ماصورت لكم خطوات الفطاير لان كنت مشتعجلة بس هذي النتايج بعد الاستواء
واسفة لرداءة الصور لانها جوال
هذا شغل سابق بس التصوير افضل لان كاميرا
وسلامتكم