موسوعة الطبخ


عنوان الوصفة: طريقة عمل الدجاج على الطريقه الايرانيه . اضيفت بواسطة : ماوية . بتاريخ: 15/06/2010.


 

طريقة عمل الدجاج على الطريقه الايرانيه

السلام عليكم ورحمة الله وبركاته .

هاذي الوصفه واضحه فيها نكهة الزعفران والكركم . لذلك اللي مايحبون الكركم ولا الزعفران اكيد الطبخه ماراح تعجبهم مثل ماهي فممكن يستغنون عن الكركم ويستبدلونه ببهاراتهم وكذلك الزعفران . .
وبعد بيكون فيها شوية حموضه بسبب الزبادي .
اللي تحب الوصفه بالمواصفات هذه حياها الله تتفضل .
عموما الوصفه شكلها يشهي والطعم مثل ماوصفته لكم . واكيد طريقتها سهله جدا ووماتاخذ منك وقت في التجهيز .

في البدايه .
المقادير

للاسف مااصورتها لكنها واضحه باذن الله .
دجاجه مسحب (بدون عظم) مقطعه اربع اقسام يعني صدرين وفخذين بدون عظم والافضل للوصفه هذه فخذ الدجاجه بدون عظم ( 4 قطع )
دقيها بالمطرقه الخاصه باللحم او بمقبض السكين او قاعدة كاس زجاجي بشكل خفيف .
حبة بصلة مقطعه صغيره جدا
ملعقة صغيره كركم
نصف ليمونه
من ملعقه ونص زبادي الى ملعقتين حسب ذوقك .
نصف ملعقة ملح طعام او حسب رغبتك انا احب الملح خفيف شوي .
رشة زعفران تفركينه بين ايدينك وانت تضعينه على الدجاج عشان يتفتت .
الطريقه .
يحمس البصل حتى يذبل في قليل من الزيت .
في وعاء زجاجي يوضع الدجاج ويضاف عليه كل ماسبق ومنها البصل ويخلط جيدا ثم يترك فتره لاتقل عن 3 ساعات وممكن تتركينه ليوم الثاني في الثلاجه طبعا .



http://up.hawaaworld.com/up/sites/up.hawaaworld.com/files/preview/56ef56c13e86786f099fa183b1a3be52.jpeg



طريقة الطبخ .

عباره عن تشويح في الزيت او ممكن للي يحب يشويها على الفحم او الشوايه الكهربائيه

ضعي ملقتين زبده واللي تحب الطعم يكون خفيف ممكن تستخدم الزيت ضعيه في مقلاه في الاعلى لما يسخن الزيت ضعي الدجاج وحاولي تضعين معه كمية التتبيله يعني بدون ماتصفينه .


http://up.hawaaworld.com/up/sites/up.hawaaworld.com/files/preview/e51cee5c53517116e8481d5bb1e259af.jpeg


خليه تقريبا خمس دقائق ثم اضيفي
نصف حبة فلفل رومي مقطع وبصله مقطعه حلقات مثل الصوره


http://up.hawaaworld.com/up/sites/up.hawaaworld.com/files/preview/2b1a15ab613d3fba82787755f4dc4dec.jpeg


قلبي الخضروات بين فتره والاخرى .
والدجاج خليه يتحمر من تحت ثم اقلبيه على الجانب الاخر .حتى يتحمر


قدميه مع البطاطس المقليه والخبز او مثل ماتحبين .او ممكن يقطع اصابع ويوضع في ساندويش مع السلطه واي صوص تحبينه .

وهذا الشكل النهائي وبالعافيه


http://up.hawaaworld.com/up/sites/up.hawaaworld.com/files/preview/ddcb0d62cc8b42d4e2d091e8b5d71345.jpeg




http://up.hawaaworld.com/up/sites/up.hawaaworld.com/files/preview/63ca86a5d35369737715cc73187d4477.jpeg




عودة الى وصفات الطبخ