موسوعة الطبخ
عنوان الوصفة: سندويشات خطيره.. و كشخه.. لا تفوتكم بالصور . اضيفت
بواسطة : * Um_ToTo * . بتاريخ: 13/07/2010.
سندويشات خطيره.. و كشخه.. لا تفوتكم بالصور
[CENTER]يالله بسم الله نبدأ
اول شي جيبي كيس توست كامل.. و افرديهم بالنشابه ثم اقطعيهم بأكبر دائره عندك..
باقي الحوايف لا ترميها.. حرااام.. قطعيها و اقليها و خليها بالثلاجه للسلطات و الفتوش..
بعدين جيبي 3 بيضات و اخفقيهم بباديه.. و بالباديه الثانيه حطي بقسماط.. زي اللي بالصوره..
اول شي غطسي الخبزه بالبيض ثم بالبقسماط..
و اقليهم بزيت حااار.. و خليهم على نشاف..
نجي للحشوه..
احمسي بصل ابيض و فلفل بارد مقطع صغار..
بعدين ضيفي الدجاج..
و اذا استوى حطي عليه البهارات و الملح و الفلفل..
حركيه شوي بعدين صكي النار و حطي عليه جبن و قشطه و مايونيز الكميه اللي تحبينها..
بعدين.. قطعي خس و جيبي التوست و اقطعيه بالنص..
و ابدي الحشي..
حطي خس و بعدين شوي من الحشوه..
وبسسسس
صفيهم بصحن حلو.. و قدميهم لحبااااااااايبك و اكشخخخخي..
و اذا عجبكم شي.. ياليييييييييييت تدعون لي بالحمل الثابت قبل رمضااان و اخواتي حبيباتي في تأخر الحمل
[/CENTER]