السلام عليكم
اليوم بقدم لكم طريقه عمل كبسه حمرا بالدجاج والخضار
روووعه وخاصه انها فيها خضار وانها بالبريستو (جدر الضغط )
ومده التحضير 30 دقيقه تقريبا ومده الطبخ 20 دقيقه بالضبط
وتكفى لشخصين وممكن مضاعفه الكميه والمكونات
عند مضاعفه عدد الاشخاص وراح نحتاج
نص دجاجه مقطعه بدون جلد
2 بطاطس-1 كوسا -1 جزر-1بصل-1طماطم-1 ملعقه اكل
صلصه
اللبهارات
بهار مشكل -ملح- فلفل اسود -2 لومى -هيل -قرفه
وكوب ونص رز وراح اقولكم بعدين شنو بنسوى معه
بسم الله نبدأ
اول شى احمى الزيت تمام وانزل البصل لين يصير ذهبى
ويذبل
وبعدين ننزل فوقه الطماط وملعقه الصلصه
ونقليهم شوى على نار متوسطه يعنى حوالى دقيقه
وبعدها نبعد الطماط والصلصه على جنب
عشان لا يتزفرون من الدجاج النى
ونرفع النار شوى وننزل الدجاج بشرط يكون العظم والدم
لتحت بأتجاه الزيت عشان ينزل الدم وينشف سريع
وبعد دقيقه تقريبا يكون جف الدم وتقدرون تقلبونها على
الوجه الثانى تاخذ بس لون خفيف وتقلبونها مع الطماط
والصلصه ثم تجيبونهم على جنب وتنزلون البطاط
يتحمر شوى دقيقتين بس وتضيفون البهارات
والملح وكل شى بهذا الشكل
وبعد كذا تقلبون كل شى مع بعض وتضيفون ماى
حسب كميه الرز يعنى انا اسوى كوب وربع لكل كوب رز
واضفت للمقادير كوبين ماى لانى سويت كوب ونص رز
واتركهم لين يغلى
واسكر الجدر تمااااااااااام لمده دقيقه او دقيقين على العالى
وبعدها اهدى النار وتركهم 10 دقايق بالللللطبط
وفى هذا الوقت بغسل الرز تمااام لين الماى حقه يصير
نظيف واتركه بالماى 10 دقايق لين اسكر النار على الطبخ
بعد 10 دقايق بالللللضبط اسكر النار وارفع الصفاره
لين يخرج كل البخار ويهدأ الجدر يعنى 3 دقايق تقريبا وافتحه
وهذا هو شكله
وبعدها اضيف الجزر والكوسا والرز
واقلبهم مع بعض واسكر عليهم الجدر
واتركهم على نار هاديه 10 دقايق فقط
وهذا هو الشكل النهائى وبألف عافيه
وقدمت معه زبادى بالخيار والنعنع وعصير ليمون
وان شالله يعجبكم