عنوان الوصفة: طريقة لف السبرنغ رول مع حشوة لذيذه مره بالصور . اضيفت بواسطة : شقراويه راشديه . بتاريخ: 24/07/2010.
طريقة لف السبرنغ رول مع حشوة لذيذه مره بالصور
السلام عليكم ورحمة الله وبركاته
كيفكم ان شاء الله بخير
اليوم جايبه لكم طريقه لذيذه لحشوة السبرنغ رول مع طريقة لفه بالصور
والحشوه هذي جت عقب صراع مرير من التجارب لمجموعه من الحشوات لأن اللي عندي مايحب الحشوات الصينيه علشان كذا قعدت احوس الين طلعت بهالحشوه وان شاء الله تعجبكم
اول شي مقادير الحشو لسبرنج رول :
دجاجه مسلوقه بدون جلد ومفرومه
بصل مقطع صغار تقريبا 3 حبات
جزر مقطع مربعات صغيره
كوسه مقطعه مربعات صغيره
بقدونس مفروم واذا حابه زياده كزبره مفرومه
علبة ذره حبات
وبس
نبدا بحمس البصل بشوية زيت
وبعدين نضيف حبة ماجي وعقبها الجزر والكوسه ونحركهم شوي على النار
وبعدين نضيف الدجاج ونضيف بهارات مشكله ( ملح , كركم , فلفل اسود , شوي بهار مشكل )
ونقلب شويتين ونطفي النار
ونضيف اخر شي البقدونس والذره
وهذي شكل الحشوة جاهز
بعدين نجي لطريقة لف سبرنج رول والصور توضح
(1)
نحط الحشوة ونلفها كذا
(2)
(3)
(4)
وعملية اغلاق السبرنغ رول عن طريق شوية نشاء مع مويه تخلطينهم مع بعض وتمسحين نهاية الشريحه بالنشاء
وهذا السبرنج رول قبل القلي
وهذا السبرنج رول بعد القلي شرايكم
وان شاء الله تكون اعجبتكم وترى شكلها مبين صعب لأني منزلتها بالتفصيل الممل ولا هي مره سهله ولاتنسوني من الدعاء وتراني والله تعبت في تنزيل الصور والتحميل جزاكم ربي الجنه
نصائح مهمه :
اذا قليتي السبرنغ رول في زيت جديد يعطيك نتائج افضل
استخدمي النشاء والماء لأغلاق العجينه لانه يخليها هشه ومقرمشه عند القلي