موسوعة الطبخ


عنوان الوصفة: طريقة عمل رغيفات بالشعرية الطينية و كبيدات - صورة . اضيفت بواسطة : نرجس . بتاريخ: 02/08/2010.


 

طريقة عمل رغيفات بالشعرية الطينية و كبيدات - صورة

السلام عليكم ورحمة الله وبركاته و كل عام و انتم بالف خير.
هد العشية وجدت انا و اختيا و حد رغيفات بالشعرية الطينية و كبيدات و فكرت نحطم ليكم.
تيجيو بنين و حلوين.نخليكم مع المقادير:

عجينة المسمن:

-كيلو فورص ممتاز
-قبصة ملح
-ماء دافء للعجن

+مقادير الحشوة:

كبيدات و قوينصات مقطيعين و طيبين مع بصيلة مشلظة و شوية ديال قسبور مدقوق و التوابل
-الشعرية الصينية مسلوق و مقطعة على نصفين.
نخليو الشعرية الصينية حتى تبرد و عاد نضيف عليها لصوص ديال لكبيدات

++الطريقة:

نعجن لمسمن و نخليوه يرتاح و من بعد نصنع كويرات بحال البيضة و ندهنهم بالزيت باش مايتشققوا
وملي ترتاح العجينة نبقو نفرقو بزيت و ناخدو شوية ديال الحشو وندردوها علي لمسمن و نطويها على شكل مسمنة او شكل محنشات ثم نطبخوهم في المقلاة الثقيلة.
نرافق الرغيفات ببرد ديال الشاي مشحر مزيان هههههههههههههه

نخليكم مع الصورة:

http://www.anaqamaghribia.com/pic/images/w03myzbqm2b3gnxy1u5.jpg


عودة الى وصفات الطبخ