قرب شهر الخير الله يجعلنا من عتقائه من النار
وطبعا مثل مانتو عارفيين الاستعدادات الكثيره للشهر الفضيل
واول استعداداته ان امي شرت كاسيت للقارئ عبد الباسط عبد الصمد
فديتها والله
جالسه انا وياها نتهاوش على الخبز
مين تخبز اول
وثاني استعداد خبز الرقاق المعروف
لعمل الثريد او (التشريبه )مثل ماهو معرف عند دول الخليج
راح ابداء بالمقادير
تمر منزوع النواة مقدار كاس نصب عليه مويه دافيه
نشخله وناخذ الناتج
ذرة ملح
طحين انا استخدم طحين دبي
وماء للعجن
حسب كمية الطحين الي عندي
نعجن الى ان تصبح العجينه شبه لينه تقريبا مثل عجينة القيمات
في البدايه انا اشتغلت على الفرن وحرصا مني على النضافه غطيت كل الفرف بقصدير وخليت بس العين
الي بشتغل فيهاا
مثل مانتو شايفين
وهنا حطيت التاوه تسخن
وهنا الاداة الي استخدمها لأزالة العجين الزائد والي استخدمها لرفع الرقاق من على التاوه بسهوله
كميه بسيطه من الزيت وفوطه نضيفه لكي ادهن فيها التاوه
طبعا اول ما ابداء قبل العجن ادهن التاوه شي بسيييييط جدا
متى احتاج الدهن اول ما احس ان الخبز يلصق معي ارجع ادهن شي بسيييط جدا
هذي عجينتنا
هنا بديت ادهن التاوه بالعجين عكس عقارب الساعه
وهذا بعد ما دهنت التاوه بالعجين
اخليها عل النار الى ان تبداء الاطراف تنشف اشيل العجين الزائد
وهنا بديت اشيل العجين الزايد
وهنا بدت الخبزه تقوم او تطلع بشويش
انضف اي فتات الخبز علشان يصبح عندنا خبز رقاق ناااعم خالي من التكتلات
وهذا النهايه
صوره اقرب
واتمنى من الله العزيز القدير ان يوفقنا واياكم على صيام وقيام رمضان