موسوعة الطبخ
عنوان الوصفة: طريقة عمل لحم حنيذ بالقدر الضاغط بالصور . اضيفت
بواسطة : اسيرة القلوب2 . بتاريخ: 16/07/2011.
طريقة عمل لحم حنيذ بالقدر الضاغط بالصور
صور طريقة عمل لحم حنيذ بالقدر الضاغط
سويت حنيذ سهل ولذيذ تعلمته من وحده
من زميلاتي الله يجزاها الجنه
مالكم بالطويله
تجيبين لحم وتغسلينه زين انا استخدمت لحم غنم
وصلحته من فتره بلحم حاشي روعه
وتجيبين سعف نخل بس يكون طري اخضر مو يابس
وتنظفينه زين وتحطينه بقاع قدر الضغط
وبعدين نحط اللحم ع السعف بدون اي شي يعني لا تتبيل ولا ملح
ونسكر الغطاء ونحطه على نار هاديه مدة ساعه
وبعد ساعه نشوف اذا فيه مويه شوي نغطيه
ونخليه نصف ساعه زياده لين تشمين زي ريحة الشوي وهذا شكله
بعد ما نفتح الغطاء نرش ملح ناعم ع اللحم ونغطيه
وهو حار ونتركه تقريبا عشر دقائق
وهذا شكل اللحم بعد ما قلبته يم يم
سويت رز مع حمسة زبيب وحطيت اللحم عليه
وهذي صوره اقرب
اتمنى يكون عجبكم
بصراحه تعبت وانا احمل بس لعيونكم يهون التعب
استغفر الله الذي لا اله الاهو الحي القيوم واتوب اليه