المرحلة الأولى .. تنظيف الدجاجه ..
شوفوا الفرق قبل وبعد .. وأحلى خلطه تبييض ههههههههههههه
بس انتبهوا لاتسوونها لأنفسكم
ع فكرة الطريقة تعتمد على قوة التدليك .. عشان تذوب كتل الدم وتنظف ..
بالدجاج الطازج ألذ من المجمد ..
ثانياً .. نجهز البهارات .. وهي
ملعقة كبيرة ممسوحه .. باربيكا (فلفل أحمر مطحون .. يجي منه حار ويجي بارد .. حطي البارد أو الحار .. أو ادمجيهم )
ملعقة صغيره ملح
2 فص ثوم
ملعقه كبيرة مليانه زبادي
ملعقة كبيره خل أسود ( خل عنب)
ملعقة كبيرة صويا صوص معتدله + صويا صوص حلوة ( فيه ناس تسميها كتشب أندنوسي)
ملعقة كبيرة زنجبيل مطحن
ملعقة صغيره زعتر بري + ملعقة صغيره حبق (ريحان)
ملعقة كبيرة زيت زيتون
تلخط مع بعض وتطحن ..
نرجع للدجاجه .. ونضرب فيها بالشوكه .. حتى يطلع فيها (خفوس) يعني فتحتات
عشان التتبيلة تدخل فيها ..
طبعاً نضربها كلها .. بس أنا وقفت الشوكه عشان تشوفون البدايه
ثم نمرخها ( ندهنها بقوة ) بالتتبيله .. من الداخل والخارج ونحطها بصحن .. زجاجي أو صين .. ماينفع بلاستيك يخرب الطعم .. ونغلفها بالقلاد .. وندخلها الثلاجه .. لين بكره ..
من بكرة نحطها في الشوايه حقت الفرن .. أو شواية الفحم .. أو قارورة زي اللي استخدمت ..
قارورة بيبسي .. نحط فيها مويه وملح وهيل ودراسين .. أهم شي المويه توصل للنص ..
ونحط الدجاجه فوقها .. وكلهم بوسط صينية تيفال .. عشان السوائل الي تنزل ..
وندخلها على فرن حار مولع من تحت .. وكل شويه نغير اتجاهها .. حتى تستوي .. ثم نحمرها ..
كيف نعرف إنها استوت .. اغرزي السكين في الفخذ واذا دخل بسرعه .. خلاص استوت ..
شوفوا هنا
طبعاً لاتشرهون .. هذا فرن المزرعه
وهذي الصورة النهائية ..
تقدم مع الرز .. أو الخبز .. والبطاطس المقلية ..
إذا حابة تضيفين بصل أبيض مقطع ( حق السلطه ) تحشين فيه الدجاجه .. حتى تصب عليه من مرق الشوي وقت التقديم ..
بيطلع رووعه ..
و بص خلصنا
ومطرح مايسري يمري علينا وعليكم
لاتنسوني وأهلي من صالح دعائكم