عنوان الوصفة: طريقة عمل حلى القرفة بالتوست بالصور . اضيفت بواسطة : ريح المسك والعود . بتاريخ: 06/02/2012.
طريقة عمل حلى القرفة بالتوست بالصور
جبتلكم حلا من إبتكاري شفته على التوست ودورت عليه بالنت بس للأسف مالقيتهبس شكله يشهي
يالله نبدا بس ادعولي
الله يصلح ولدي وبناتي ويرزقني بالوظيفه
حبيت أنبهكم المقادير تقديريه تقدري تتحكمي فيها واللي سويته يكفي لشخصين بس وللمعلوميه سريعه وسهله مررره
المقادير/
6حبات توست لوزين قصيها شكل دائري
جبن كيري
حليب مركز محلى
شوية زيت
قرفه مطحونه
سكر ناعم
نخلط ملعقة قرفة مطحونه +شوي زيت+سكر ناعم +زيدي عليها مويه عشان تصير سائله بس ثقيل شوي
وناخذ التوست الدوائر ونغمسه بالخلطه ونضعه بالتاوه اي المقلاه بدون زيت نحمصها شوي والصور توضح أكثر
وبعدين نقلبها الجهه الثانيه ماتاخذ وقت
ونطلعها على جنب ونخلط حليب مركز محلى مع الكيري
نجيب صينية ونحط قرص واحد وندهن شويه من الخلطه الحليب والجبن ونرص فوقه قرص ثاني ونفس الطريقه
القرص الثالث نكثر الخلطه يارب تكوني فاهمين
ونحطها بالفرن لحد ماتتماسك شوي
وهذي بعد ماطلعناها من الفرن
وهذي النتيجه
قطعتها وهي حااااره
وبالعافيه حبيباتي