المقادير :
4 او 5 حبات بندورة ويفضل ان لا يكونن قاسيات
قرنين فلفل اخضر من الي بيهري ( واحد بتفرمه فرمات زغيره والتاني بتدحشو بين البندورات زي ما هو )
ملح
كم راس ثومه حسب الرغبه
زيت زيتون
نعنع ناشف للزينه
يوضع الزيت بالمقلا وتقسم البندوره شرائح شرائح وتوضع بالمقلاه على نار هاديه ومن ثم بنقطع سنون الثومه قطع زغيره او بنحط السن زي ما هو حسب الرغبه يعني .. وبعدين بنحط الملح وبالاخير ترش شويه نعنع ناشف للزينه كما اسلفت سابقا .
وصحتين وعافيه
بي اس 1: من المحبب وحتى تستطعم بالقلايه اكثر واكثر . ان تكون المقلاة ملتعن سنسفيلها وقديمه .. كهاي المقلاه الي امي رمتها مرتين بالزباله بس مع هيك كنت اطولها واخبيها عشان اظل اعمل فيها قلايه
بي اس 2 : عادي اذا حابين تثبتو البوست او تضيفوه لبوست معرض "تسلم الايادي "
بس اس3: هاي القلايه عملتها الساعه 6 الصبح .. احلى اشي القلايه تاكلها الصبح
