هذا الله يسلمكم كان عندي زيارة لجارتي نفاس واخذت معي كذا حلا
وحبيت انزله لكم
هذا حلاي ثلاث انواع حلا البف باستري واللي جنبه من عضوة ماني ذاكرة اسمها الله يعافيها و الثالث شيز كيك بس حطيته بقوالب التارت شفتها من منتجات سويتز رووعه كذا حاجة تحطي فيها وسريعه ولذيذة...
طريقة البف باستري لذيذ جداااوخفيف
تاخذي البف باستري بعد ماطلعتيه من الثلاجه بوقت تصفيه بالصينيه انا اخذت المربعات حجمها صغير مرة مقطعه وجاهزة ادخليها الفرن لين تتحمر مثل كذا
بعدين تفتحينها بالسكين من النص وتحشينها بهذي الخلطه اللي اهي
1كاس حليب السعوديه او اللي تحبي 3/4بيالةسكر بيضه 2م نشاء فانيليا تخلط ع النار حتى تثقل مثل كذا
وتحشى وترش بالسكر البودرة
طريقة الحلا الثاني تكسرين تسع حبات بسكويت اولكر ساندوتش بصينيه وسط وترشي فوقها ربع اصبع زبدة سايحه وتخلطي بالخلاط تسعه كيري مع نستله كبير وتصبيه فوق البسكوت ودخليها الفرن لين تتحمر ماتاخذ وقت وبس للاسف نسيت اصور له صورة قريبه بس واضح جنب البف باستري..
طريقة حلا الشيز كيك
استخدمت هالتارت للي ماتعرفه
وصفيتها بصينية التقديم
ثم تحشى بهذي الخلطه روعه قليله عليها اخذتها من عضوة الله يعافيها المشكله ما احفظ بس اكتب ومقاديرها 2كاس كريم فريش او قشطة خفق 2ظرف دريم ويب انا حطيت 3 لان طلعت خفيفة انتي وراحتك علبة قشطة طازجه المراعي او غيرها100جرام 4حبات كيري تخلط بمضرب الكيك حتى تنفش وتحشى بها القوالب انا حاطيتها بكيس وقصيته اسهل بالتوزيع
بعدين يوضع فوقها مربى البلوبيري تبع الشيز كيك
صوره اقرب للتعذيب
الحمدلله خلصت وان شاء الله موضوعي وحلاي يحوز ع رضاكم
واعجابكم