عنوان الوصفة: عمل الأرز الأبيض المضغوط بالصور . اضيفت بواسطة : جنى . بتاريخ: 27/05/2012.
عمل الأرز الأبيض المضغوط بالصور
المضغوط وهو عباره عن كبسه عاديه بس بتنعمل بالضغط
يعني الطبخه كلها ما بتاخد معك غير 15 دقيقه فقط لا غير
ونبدأ المقادير :
بصله بنقطعها كبير مع سنين تومه وزيت وكل ما كان الزيت زايد بطلع الرز احسن طبعا هون مستخدمه طنجرة الضغط
بنحوس الدجاج مع البصل وبنكون منضفين الدجاج ومقطعينه مش ارباع اتمان وفيك تستعملي نفس الطريقه باللحمه او الدجاج المسحب وبنحط البهارات وهي عباره عن لومي اسود وقرفه عيدان وهيل مطحون خشن وفلفل اسود حب يعني كلو مش مطحون
بنحط عليهم معجون بندوره وحبتين بندوره مفرومه كبير لانو كلو حيتصفى مافي مشكله وكاسة مي كبيره
وبعدين اضغطي الطنجره 10 دقائق بالزبط لا تزيدي عن هيك
وهون بعد ما فتحت الطنجره وصفيت الشوربه مزبوط حطيت شرئح جزر وازا في بطاطا صغيره بنفع وازا كوسا كمان احلى واحلى وحطيت الرز المغسول فقط مش منقوع لانو بخبص وقرنين فلفل وبترجعي تضغطي الطنجره كمان 10 دقائق
وهيك بس استوي
وهيك شكل الرز بعد ما استوى مفلفل ومش مخبص وانسيت احكيلكم الدجاج جوا الرز لا تنسو عشان هيك اسمه مضغوط
صحتين عقلبكو