موسوعة الطبخ


عنوان الوصفة: منزلة الباذنجان المحشوة باللحمة وفليفلة وبندورة - أكلة سورية بالخطوات المصورة . اضيفت بواسطة : إيثار الشام . بتاريخ: 02/10/2012.


 

منزلة الباذنجان المحشوة باللحمة وفليفلة وبندورة - أكلة سورية بالخطوات المصورة
http://static.hawaacdn.com/upload/1/2/6/0/5/9/2/505b64441fb70.jpg
أكلتي اليوم اسمها ( منزلة البيتنجان ) أو اختصارآ المنزلة

بتنعمل من البيتنجان المقشر و المقلي و المحشو باللحمة الهبرة المفرومة و المقلية , و مطبوخ بماء البندورة


بالأصل هالأكلة : فقط بيتنجان , و لكن بينحط معها بمرقتها بندورة مقطعة , أو دبس بندورة ( رب البندورة ) أو دبس و بندورة مع بعض , و شقف فليفلة خضرة , بتعطيها نكهة روعة




و لكن نحن منحشي مع البيتنجان , بندورة و فليفلة , فبيعطوا النكهة , و بيطلعوا كتييييير طيبين




الطريقة يا حبيباتي باختصار :




بيتنجان حجم صغير




نترك القمع بالبيتنجانة و نزيل فقط منه الأوراق النازلة
http://static.hawaacdn.com/upload/1/2/6/0/5/9/2/505b62b9c15a0.jpg

نقشر البيتنجان


http://static.hawaacdn.com/upload/1/2/6/0/5/9/2/505b62b931de0.jpg

نقليه بزيت غزير


http://static.hawaacdn.com/upload/1/2/6/0/5/9/2/505b64427752e.jpg
بعد القلي نضعه على ورق نشاف الزيت

http://static.hawaacdn.com/upload/1/2/6/0/5/9/2/505b62bb373dc.jpg
نفرم لحمة هبرة و نقليها بزيت مازولا مع ملح و كمون و أكيد بهار

http://static.hawaacdn.com/upload/1/2/6/0/5/9/2/505b62ba73db9.jpg

نحشو البيتنجان باللحمة , و نحشو معه الكمية المرغوبة من البندورة و الفليفلة , و نضعها بالطنجرة , و نرش فوقها الملح بالكمية المرغوبة ( كما في الصورة )


http://static.hawaacdn.com/upload/1/2/6/0/5/9/2/505b662cc7e57.jpg

نغمر الطنجرة بالماء ( متل الصورة ) و نضيف دبس البندورة بكمية مناسبة , و رشة بهار


http://static.hawaacdn.com/upload/1/2/6/0/5/9/2/505b644356e94.jpg


نشعل تحت الطنجرة , و نغطيها , و عندما تغلي , نهدي النار و ننوصها عالأخير , و نتركها تغلي على النار الهادئة فقط ربع ساعة


و هي الطنجرة بعد الإستواء
http://static.hawaacdn.com/upload/1/2/6/0/5/9/2/505b64441fb70.jpg

( تقدم مع الرز المفلفل بالشعيرية )




في كام ملاحظة صغار

1. لازم نحط بالمرقة إما قطع بندورة , أو قطع بندورة و دبس بندورة , أو فقط دبس , و هالشي بيرجع لزوقك و خبرتك , بحيت تطلع طعمة البندورة و حموضتها مناسبة للكمية المطبوخة .

2. لازم تحطي فليفلة مع المرقة , يعني إذا ما حشيتي الفليفلة , جيبي قرن و قطعيه و حطيه بالطنجرة .

3. بهالأكلة , ما استعملنا البصل أبدآ , مع إني أنا من الناس اللي بيحبوا البصل و بيحبوا نكهته بالأكل و لكن في أكلات بدون البصل بتكون أطيب , و هالأكلة منهن

( أنا عم بحكي رأيي الشخصي , و بالنهاية , الأمر راجع لذوقك إذا بتحبي تحطي البصل , مع الحشوة )

بتمنى تكون أكلتي , نالت رضاكن

و تقبلوا وردي و ودي


http://static.hawaacdn.com/upload/1/2/6/0/5/9/2/505b61229d3ba.gif


عودة الى وصفات الطبخ