لحم مقلقل وكبده على الصاج بالصور

لحم مقلقل وكبده على الصاج بالصور


وصفتي اليوم لحم مقلقل وكبده معروف هذا وقت ذبايح واستغلينها فرصه انا واخواتي نسويها للعشاء وحلاتها ان اللحم والكبده طازجه وكان العشاء لذيذ الحمد لله
وحياكن الله

- وتفضلو المقادير والطريقة للمقلقل والكبده -

مقادير المقلقل وطريقته :-

* لحم مقطع مكعبات صغيره
* بصله كبيره مقطع قطع صغيره ممكن تزيدون البصل
* ثوم مفروم
* بهارات ( ملح ، فلفل اسود مطحون ، كمون مطحون ، شوي قرفه مطحونه ) ..

الطريقة :-

نحط القدر ع النار ونحط شوي زيت وعليه اللحم وقلبيه حتى تنشف المويه اللي تنزل منه ، وبعد ماتنشف موية اللحم نحط البصل عاللحم وقلبيه حتى يذبل وبعده حطي البهارات والملح والثوم وقلبيه ، صبي عليه مويه حاره بحيث يغطي اللحم فوقه بثلاث اصابع وغطيه يطبخ حتى يستوي اللحم وتقل المويه .. تقريباً 20 إلى 30 دقيقة . واذا تحبي طعم الثوم طالع حطي حبتين مفرومه قبل ماتطفي النار بدقيقتين ..
ومطرح مايسري يمري




مقادير الكبده والطريقة :-

* كبده مقطعه مكعبات صغار
*بصل مقطع مكعبات صغار مرره والي تحب تزيد احلى واطعم
* فلفل رومي مقطع مكعبات صغار
* حبه كامله ثوم مقطع شرائح صغار
* ثلاث حبات طماطم مقطعه مكعبات صغار
* البهارات ( كمون مطحون * فلفل اسود مطحون)
* ملح * معجون طماط

الطريقة :-
نحمي الصاج ونحط الزيت وعليه البصل والثوم والفلفل الرومي ونقلبها حتى تذبل ونحط عليها البهارات ومعجون الطماط والطماط ونقلبهاا حتى تذبل الطماط ونحط الكبده ونخليها نص استوى ونملحها ونضيف فلفل اخضر حار وعصرة ليمونه
ونقلبها شويتين ونطفي النار عليها ونحضرها
ومطرح مايسري يمري





وترقبوو وصفاتي الرمضانيه


ربي اسعد قلب كل من قرات موضوعي ❤️