• EN
  • اشراف أم حاتم
موسوعة الطبخ حلويات شرقية قطايف بالمكسرات بالخطوات المصورة

قطايف بالمكسرات بالخطوات المصورة

بواسطة: شوكلاتةuae
تاريخ الطبخة: 15/11/2014

قطايف بالمكسرات بالخطوات المصورة
http://i982.photobucket.com/albums/ae308/cce4ever/Chocolate/11-4.jpg
نوع من الحلويات الشرقية ألا وهي القطايف بإسم الله نبدأ:
محتاجين إلى مكسرات مشكلة . شخصيا أحب أشتري أكثر من نوع من المكسرات ويكون محمص وأخلطهم مع بعض ومكوناتهم (فستق , جوز هند , جوز , كاجو , زبيب , وقليل من القرفة)
http://i982.photobucket.com/albums/ae308/cce4ever/Chocolate/1-4.jpg

ومحتاجين إلى عجينة القطايف المعدة مسبقاً . وطبعاً عزيزاتي نلاقيها جاهزة في المخابز . بس احرصي انج اتشوفين التاريخ لانها لازم اتكون فريش وشغل نفس اليوم عسب ما تتقطع منج وانتي تحشينها بعدين.
http://i982.photobucket.com/albums/ae308/cce4ever/Chocolate/2-5.jpg

وهذا شكلها من داخل تشبه خبز الجباب بس أصغر واتكون نيئ من الوجه
http://i982.photobucket.com/albums/ae308/cce4ever/Chocolate/3-4.jpg

وطبعاً راح نحتاج إلى قطر ومقاديره هي : لكل 1 كوب سكر محتاجين ½ 1 كوب من الماء عسب يكون عندنا القطر خفيف واتخلينه يثور على الضو لحوالي الربع ساعة وبتشوفين إني نسبة كبيرة من الماي تبخرت. بس اذا حبيتي يكون القطر غليظ راح يكون مقدار السكر نفس مقدار الماي وطبعاً هذا راجع لنوع الحلو الي بتسوينة .
http://i982.photobucket.com/albums/ae308/cce4ever/Chocolate/4-4.jpg

في البداية نحط حبة القطايف المفرودة على ادينا بهذي الشكل . وانحط مقدار ملعقة صغيرة من الحشو الي عندنا . ونحرص اني ما نكثر من الحشو عسب ما تتقطع حبة القطايف يوم نسكرها .
http://i982.photobucket.com/albums/ae308/cce4ever/Chocolate/5-4.jpg

ونبدأ نضغط الجانبين مع بعض وبتلاحظون اني العجينة من داخل نئ فهذا الشي بيساعد انج لما تضغطين على الجوانب تلزق في بعضها بكل سهولة . مثل ما نلاحظ في الصورة أدناه.
http://i982.photobucket.com/albums/ae308/cce4ever/Chocolate/6-4.jpg

ونستمر في الضغط على الأطراف لحد ما تتسكر.
http://i982.photobucket.com/albums/ae308/cce4ever/Chocolate/7-4.jpg

وهذا شكل القطايف بعد الانتهاء من اغلاقها أحبتي .
http://i982.photobucket.com/albums/ae308/cce4ever/Chocolate/8-3.jpg

وممكن تسكرون نص حبة القطايف بدون ما تحشونها مثل الحبة الي فوق وبعد القلي تحشونها بالقشطة والفستق الحلبي .
http://i982.photobucket.com/albums/ae308/cce4ever/Chocolate/9-3.jpg

وماشاء الله هذي كانت الكمية الي سويتها عبارة عن 3 صحون
http://i982.photobucket.com/albums/ae308/cce4ever/Chocolate/10-3.jpg

مرحلة القلي :- عزيزاتي لقلي القطايف محتاجين لزيت شبة عميق للقلي وطاسة فيها القطر وطاسة ثانية عليها مصفى عسب يوم انطلع القطايف من القطر انحطها على المصفى.
نقليهم في زيت تكون حرارة متوسطة لحد ما يصير لون القطايف ذهبي فاتح نطلعها من الزيت وبعدين انحطها في القطر وانقلب لحد ما تتشرب قليل منه وانصفيها . السموحة منك ما قدرت أصور غير هذي الصور لشكل القطايف النهائي تدرون كانت الساعة 6:30 الواحد محتاس في المطبخ .
http://i982.photobucket.com/albums/ae308/cce4ever/Chocolate/11-4.jpg


أتمنى يكون حاز على إعجابكم أحبي وأنتظروني في المزيد من الوصفات المصورة


التقييم
شاركي معنا