الفول المدمس على الطريقة المصرية

الفول المدمس على الطريقة المصرية

المقادير:

كوب فول مصري متنقي ومغسول ومنقوع 12 ساعه
ملعقه عدس اصفر
فص ثوم
طماطمايه مقطعه نصفين ومقشره
ملعقه صغير بكينج بودر
لمونتين كبار

الطريقة:

- حنصفي الفول من ماء النقع ونحطه في حله ونضيف عليه الماء لحد ما يغمره ب2 سم تقريبا
- لما يغلي نضيف ملعقه البكينج بودر ونقلب كويس ونكون موطين النار عشان الميه حتفور
ودي بتساعد علي انه يستوي بسرعه ويبقي زي الزبده
- نضيف ملعقه العدس (ودي اللي بتخلي للفول صوص تقيل زي اللي بنجيبه جاهز) والثوم والطماطم ونتركه علي نار هاديه قوي يستوي وانسوه بقي مش اقل من 3 ساعات وطبعا لحد ما يستوي
- اول ما يستوي نعصر عليه الليمونتين وده بيحافظ علي لونه الجميل وميسودش
- يترك حتي يبرد وبعدين نشيله في علبه في الثلاجه او ممكن في اكياس في الفريزر



بالهنا والشفا


ملحوظه عن تجربه أغلى الفول قبل النقع يعطيكى طعم اجمل