اكله تحابيش مصرية
بواسطة: نور
تاريخ الوصفة: 18/11/2014
اكله تحابيش مصرية
النهارده كان غدانا شوية تحابيش بما اننا زهقنا من الدجاج واللحوم والاكل الدسم
تعالو شوفو اتغدينا ايه
عجة
عبارة عن بصل نقليها في زيت لحد ما تدبل ونحط عليه طماطم مقطعة وتحرك مع البصل حتى تذبل وتترك حتي تبرد تماما ثم ضفت 10 بيضات وملعقة كبيرة بيكنج باودر ويقلب الخليط مع كزبرة خضرا وبقدونس وشبت وملح وكمون وفلفل اسود ويصب في صينية مدهونة بالزيت وتوضع في الفرن على درجة حرارة متوسطة بس الفرن يكون محضر وسخن قبلها بعشر دقايق عشان عجينة العجة متهبطش وهتاخد حوالي ربع ساعة في الفرن.
ودي الصورة
ودي الصورة بعد التقطيع وتقطع وهي باردة
باذنجان وفلفل رومي مقلي بالتخديعة
ياذنجان اسود رومي قشرناه وقطعناه حلقات وقليناه في الزيت وكذلك الفلفل الرومي وحطيناه في طبق وعملناله تخديعة حطيناها على الوش كده يدوب
التخديعة عبارة عن ثوم يدوب شوحناه في الزيت وحطينا عليه طماطم مكعبات لحد ما دبلت وحطينا ملعقة خل وعصير ليمونة وملح وكمون وفلفل اسود وحطيناها على وش الباذنجان
ودي الصورة
ودي صورة الفلفل الرومي
وبطاطس مقلية
وعملنا طماطم مقطعة بجبنة قديمة ومش وملعقة صغيرة طحينة وملعقة زيت زيتون كانت تحفة
بس للأسف نسيت أصوره
