حلى السيلكون منزلي سهل ولذيذ بقوالب
بواسطة: عبير العميرة
تاريخ الوصفة: 07/12/2014
حلى السيلكون منزلي سهل ولذيذ بقوالب
حلا سليكون من شغلي وتصميمي
* حبيت أعرضه عليكم تستفيدون من طريقة التغليف والتصميم وماتنسوني من دعواتكم
شكل الحلا
* شوكلاته بقوالب السليكون محشيه آيسكريم أوريو تجنن وخاصه بالصيف تبرد ع القلب
شكل الحلا من جوا يدوخ
مقادير وطريقة عمل الحلى :
١- عباره عن قالب شوكلاته خام + جالكسي مذوب بحمام مائي
٢- تلبس القوالب بالشوكلاته ثم يدخل للثلاجه لربع ساعه تقريبا
٣- بمضرب الكيك ظرفين دريم ويب + بيالة شاهي حليب سايل حتى ينتفش بعدين اضيفي علبة قشطه + ٨ حبات جبن كيري
٤- اضيفي عليه اوريو مكسر
٥- بعدها طلعي القوالب وحطي فيها الخليط واغلقيها بالشوكلاته
٦- دخليها بالفريزر ساعتين تقريبا ثم الثلاجه إلى وقت تقديمها
وبألف عافيه
طبعاً القوالب سيليكون
