• EN
  • اشراف أم حاتم
موسوعة الطبخ عمل البيتزا mini pizza ميني البيتزا

mini pizza ميني البيتزا

بواسطة: عبير العميرة
تاريخ الطبخة: 07/12/2014

mini pizza ميني البيتزا
http://www.encyclopediacooking.com/upload_recipes_online/uploads/images_arabic-food-cooking-recipe-1-%D8%B5%D9%88%D8%B1%D8%A9-mini-pizza-%D9%85%D9%8A%D9%86%D9%8A-%D8%A7%D9%84%D8%A8%D9%8A%D8%AA%D8%B2%D8%A7.jpg

طريقتي بالبيتزآ
أول شي العجينه دايم أصلح الذهبيه تجنن طريه وتذوب في الفم
أكيد أغلبكم تعرفونها بس بكتبها لكم

*مقادير العجينه /

٢ونص كوب دقيق (1ونص كوب دقيق كويتي + 1 كوب دقيق عادي )
1 زبادي
1 ملعقه كبيرة وربع خميرة فوريه
1 ملعقه كبيرة وربع بيكنج بودر
ربع كوب زيت
نص كوب لبن سائل (لبن الصافي او المراعي )
ملح
3 ملاعق كبيرة سكر

الطريقه /

نخلط جميع المقادير بالعجانه ونتركها تنعجن كويس ثم ندهنها بقليل من الزيت ونتركها ترتاح يمكن ربع ساعه او ثلث على حسب حرارة المطبخ.
وأحياناً أتركها ساعه تتخمر ماتضر
طيب الحين نجي للطماطم وهو الأساس
بعضهم يحطون كاتشاب والا صلصه جاهزه وهذا الشي يخرب ابو البيتزا
أحلا شي تصلحينه بالبيت شي يجنن

في الخلاط /
نخلط ٤-٥حبات طماط وسط مع ثلاث فصوص وفنجان قهوه زيت زيتون
وملح وفلفل حار ( على حسب الرغبه) واوريغانو وبهارات ايطاليه وشوي فلفل اسود ..
بعدين اذا خلطناها نخليه على جنب

ونقطع بصل صغير جدا ًونحمسه لين يذبل ثمن نصب الطماط عليه
وبعدين نحط عليه صلصه ملعقتين كبار او ثلاث تقريبا ونخليه يتسبك بعدين
نجيب طماطه او طماطتين ونقطعها صغار ونضيفها مع الطماط هذي الحركه تجنن تجنن

هذي الفكره اخذتها من الشيف سامي أنا كنت اخليه كله بالخلاط بس حركة الطماط
المقطع مره تجنن
وبس نخليه ع النار هاديه لين يثقل الخليط شوي وخلصنا
وبعدين نفرد العجينه ونقطعها ونحط عليها صوص الطماط بعدين جبن كرافت مبشور
بعدين زيتون بعدين فلفل رومي واضافات كثيره على حسب اللي تحبون
وقريب راح انزل بيتزا كبيره وفيها اضافات لذيذه ترقبو

وبالعافية



التقييم
شاركي معنا