• EN
  • اشراف أم حاتم

حلى ميني كب كيك التمر

بواسطة: عبير العميرة
تاريخ الطبخة: 26/12/2014

حلى ميني كب كيك التمر
http://www.encyclopediacooking.com/upload_recipes_online/uploads/images_food-dessert-recipes-in-arabic-%D8%AD%D9%84%D9%88%D9%89-%D8%AD%D9%84%D9%89-%D9%85%D9%8A%D9%86%D9%8A-%D9%83%D8%A8-%D9%83%D9%8A%D9%83-%D8%A7%D9%84%D8%AA%D9%85%D8%B1-%D8%A8%D8%A7%D9%84%D8%B5%D9%88%D8%B1.jpg


ميني كب كيك التمر نفس طريقة كيكة التمر بس صلحتها بصينية الكب كيك + طحين أسمر بدال الأبيض طلعت روعه روعه لا تفوتكم والشي اللي يهبل ويخليك تستمتعين وانتي تصلحينها ماتلزق بالصينيه أبد طلعتها من الفرن وخليتها شوي تقريبا ً١٠دقايق وقلبتها طلعو بكل سهوله وانا دهنتها بشوي زيت بدون طحين وخليتها مقلوبه وحلاتها تتقدم دافيه انتم جربوها واحكمو انا دايخه عليها
ولو يتقدم معها كورة آيسكريم شي ثاني

مقادير وطريقة عمل الحلى :

- المقادير :

كوب تمر ( خلاص ونشيل منه النوى )
١ونص كوب ماء مغلي .
م ص بيكربونات الصوديوم .
١٢٥ جرام زبده .
٤/٣ كوب سكر بني .
م ص فانيلا .
بيضتين بحرارة الغرفه .
كوبين طحين ( أسمر أو أبيض ) منخول . - الصوص /
كوب سكر بني .
٢/١ م ص فانيلا سايله .
زبده ٥٠ جرام . ( نص اصبع )
علبة قشطه . :


: - الطريقه :

نسخن الفرن على درجة ١٨٠ ونجيب صينيه قطرها ٢٢ سم .
ماراح تكون عريضه مره تكون وسط اذا حبيتو تكون عريضه نفس الصوره تجيبون صينيه قطرها ٧سم .
(وهالمره جبت صينية كب كيك الحجم الكبير مو الصغير ودهنتها بشوي زيت وطلعت معي ١٦ كب كيك بنفس المقادير)
نضيف ع المويه المغليه (التمر + الصوديوم)
و بالخلاط نضرب السكر والزبده والفانيلا لين تتمازج بعدين نضيف البيض حبه ورى حبه ..
وبعدين نضيف التمر والدقيق ونخلطهم بملعقه حتى يتمازجو . تخبز لمدة من ٤٠ الى٤٥ دقيقه ، نخليها ١٠ دقايق بعدين نقلبها . :

- طريقة الصوص :

في قدر صغير ع النار نحط الزبده والسكر مع بعض ونخليها تغلي ٣دقايق على نار مرتفعه لين يتغير اللون ويصير بني نضيف القشطه ونخلط مضبوط ، ثمن نقصّر ع النار لمدة دقيقتين ثم يصب الصوص وهو دافئ ع الكيكه وبعدين حطيت فوقه جوز البيكان المحمص مجروش
:
وبألف ألف ألف عافيه على قلوبكم



التقييم
شاركي معنا