السينابون العملاق

giant cinnamon roll recipe السينابون العملاق


giant cinnamon roll السينامون العملاق .. اشتهيت سينامون بس تعيجزت اصلحه حبات رحت وصلحت العجينه كلها بحبه وحده
نتيجه جميله جدا ومريحه

مقادير العجينه بالاكواب المعياريه :

كوبين ونصف دقيق
م ص ملح
نصف اصبع زبده لين

توضع في العجانه وتخلط حتى تتجانس
ثم يضاف اليها :

2م ص خميره
ربع كوب سكر ناعم
وتخلط ثم يضاف اليها :
بيضه
نصف كوب حليب دافيء
ثلث كوب ماء
وتعجن وتترك تخمر مدة ساعه ..

نجي لطريقة الفرد :
امسكي العجينه و براحة يدينك لفي فيها على طاولة العجن حتى تطلع كأنها صاموليه طويله



خطوات كيكة السينامون :
1) مديت العجينه على سطح مرشوش بالدقيق
2) فردتها بالطول حتى يطلع لي مستطيل طويل ودهنتها بالزبده اللينه و رشيت خليط القرفه
3) طويتها من النصف ورجعت دهنت بزبده ورشيت من القرفه
4) لفيتها على شكل رول للاخير
5) حطيتها بصينيه مدهونه بالزيت وضغطت عليها بيدي من فوق حتى تتوسع شوي
6) وهذا شكلها بعد ماطلعت من الفرن وقبل لا احط التغطيه عليها ..
على فكره هذي العجينه مره لذيذه ولينه وكمية الدقيق فيها مجرد تقدير غالبا احتاج ازيده لكن لا تزيدين الا بعد ماتعجنين كل المقادير حتى تشوفين وش كثر تحتاجين وحاولي ماتخلينها مره متماسكه حلو تكون لينه اطعم