• EN
  • اشراف أم حاتم

سمك السلمون اللذيذ

بواسطة: عبير العميرة
تاريخ الطبخة: 07/01/2015

arabic food recipes with pictures
طريقة عمل سمك السلمون اللذيذ بالصور
http://www.encyclopediacooking.com/upload_recipes_online/uploads/images_arabic-food-recipes-with-pictures-%D8%B5%D9%88%D8%B1-%D8%A7%D9%83%D9%84%D8%A7%D8%AA-%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%B3%D9%85%D9%83-%D8%A7%D9%84%D8%B3%D9%84%D9%85%D9%88%D9%86-%D8%A7%D9%84%D9%84%D8%B0%D9%8A%D8%B0-%D8%A8%D8%A7%D9%84%D8%B5%D9%88%D8%B1.jpg

السلمون اللذيذ سمك أعشقه عشق أتلذذ فيه من جد
طعم وشكل يجذبني مره
طريقته ولا أسهل منها بس يبي لكم تفهمون الخطوات ويطلع عندكم سلمون ولاألذ...
الصراحه مميز بس يوم سويته بالبيت لذيذ ...

الطريقه :

١- أول شي السالمون أخذته من نستو وأحيانا من التميمي كلها طازجه ولذيذه

٢- السالمون ماتغسلونه أبداً إذا كان قطع فيليه لأن اذا غسلتيه بالمويه اغسلي يدّك منه لأن اذا غسلتيه راح تزيد زفرته + تتلف الانسجه ويتأثر القوام والشكل و يمكن يتفتت معك بسهوله .!

٣- نجيب صاج أو تاوة ونرفع النار على اعلى شي لين تحتمي التاوه بعدين نضيف شوي زيت زيتون ونحط السلمون على جهة الجلد عشان نبيها تتحمر وتصير مقرمشه ثمن أضفت ملح وفلفل أسود على السالمون نفسه .
وع التاوه نفسها ع الزيت اضفت بهارات ايطاليه + بذور الريحان عشان تعطي نكهه حلوه .

٤- راقبي السلمون يمكن ياخذ دقيقتين الى ثلاث على كل جهه أنا أحب أقلبه على كل الجهات الاربع عشان يعطيني لون مميز ويصير من برا متماسك ومن جوا طري .

٥- مايطول ع النار يمكن ١٠ دقايق وبعدين نطفي النار ونخليه ٧دقايق زياده في التاوه قبل مانشيله .

٦- نجيب قدر صغير ونحطه ع النار فيه ربع زبده مع عصير ليمونه . ( هذي الطريقه ماتتخيلون كيف تعطي لذااااذه غير شكل )

وعند التقديم نصبها ع السالمون قبل مانشيله من التاوه بعدين نقدمه مع بطاطس مهروس وجرجير وليمون .. وبس خلصنا سهل وطعم يوديك لعالم ثاني أموت عليه
وبألف عافيه على قلوبكم

ملاحظه :

١- تقدرون تضيفون ثوم مهروس + قشر ليمون للي يحبون يتبلون السالمون قبل .

٢- انتبهو انكم تحطون ملح او ليمون مع التتبيله ! الملح تضيفونه عليه مباشره أثناء الطبخ والليمون بعد مايستوي السالمون . وهذي النصيحه عموماً مع جميع انواع السمك .


http://www.encyclopediacooking.com/upload_recipes_online/uploads/images_arabic-food-recipes-with-pictures-%D8%B5%D9%88%D8%B1-%D8%A7%D9%83%D9%84%D8%A7%D8%AA-%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%B3%D9%85%D9%83-%D8%A7%D9%84%D8%B3%D9%84%D9%85%D9%88%D9%86-%D8%A7%D9%84%D9%84%D8%B0%D9%8A%D8%B0-%D8%A8%D8%A7%D9%84%D8%B5%D9%88%D8%B12.jpg


التقييم
شاركي معنا