• EN
  • اشراف أم حاتم

مشخول سمك

بواسطة: مطبخ سارة
تاريخ الوصفة: 10/01/2015

مشخول سمك
http://www.encyclopediacooking.com/upload_recipes_online/uploads/images_%D9%85%D8%B4%D8%AE%D9%88%D9%84-%D8%B3%D9%85%D9%83.jpg

طريقة عمل مشخول سمك :

المقادير .. :

1- 10 شرايح سمك كنعد [ او حسب الرغبه ]

2- بصل - ثوم - فلفل بارد - ورق غار - قرفه -

3- 5 كاسات رز مغسوله


الطريقه ..

نقطع البصل ونضيف له شوي زيت حوالي نص بياله ونجيب شرايح السمك بعد مانغسلها ونرشها بفلفل اسود مطحون ونحطها بالدور تتحمر في الزيت ..

وبنفس الوقت بقدر نحط البهارات [ ورق غار * قرفه *مسمار ] ونص حبه الفلفل البارد و4 ملاعق صغيره ملح ناعم

ونصب عليهم مويه ونخليه يغلي ..


ثم نشيل قطع السمك بعد مايتغير لونها بالطريقه هذي ..

ونضيفها على قدر المويه ..

ونتركها تطبخ خمس دقايق ..


ثم نجيب الرز المغسول ونصفيه من المويه ونشيل قدر السمك عن النار ونجيب قدر كبير ونحط فيه نص كميه الرز ثم نحط عليه شرايح من السمك ثم باقي الرز وباقي الشرايح ثم نشخل عليه مويه السمك ..

ونرجعه على النار ..

بالوقت هذا ناخذ شريحتين سمك وندهنهم بصلصة الصويا ... ثم بطحين ..

ونقليهم ..

واذا ارتفع الرز بالطريقه هذي .. نضيف له بصل محموس مع زيت وبهارات مطحونه وفلفل احمر ..

وبعد مانقلي السمك ناخذ حبه ونحطها على وجه الرز عشان الطعم فقط .. [ اختياري ]

ونخليه ع نار هاديه حوالي نص ساعه ..


ثم نقدمه . .

نشيل السمك من الوجه ..

ونحاول نغرف الرز بشويش عشان طبقه السمك الثانيه ماتخرب ..

ونزينه بالليمون ..

او نقدر نشيل الفلفل الاحمر ثم نقلب القدر بصحن التقديم ..


وأتمنى أن يحوز على أعجابكم

وبالعافيه عليكم


إرسال الوصفة