• EN
  • اشراف أم حاتم

تشيز كيك التفاح

بواسطة: عبير العميرة
تاريخ الوصفة: 12/06/2015

تشيز كيك التفاح
http://www.encyclopediacooking.com/upload_recipes_online/uploads/images_easy-cooking-dishes-arabic-food-recipes-in-english-%D8%B5%D9%88%D8%B1%D8%A9-%D8%AA%D8%B4%D9%8A%D8%B2-%D9%83%D9%8A%D9%83-%D8%A7%D9%84%D8%AA%D9%81%D8%A7%D8%AD.jpg


تشيز كيك التفآح اللذيذ أي شي يدخل فيه تفاح بالنسبه لي شي خيال وعادي أسويه كل يوم جربوه وبيعجبكم ان شاء الله

- المقآدير :

١- الطبقه الأولى :

: : طبقة الكرست : :

بسكويت ٢٠٠ جرام .

نص كوب جوز البيكان .
ملعقتين كبيرة سكر بني ( حبيبات مو ناعم ) .

ربع ملعقة شاي من القرفة المطحونة .

مكعبين زبدة من مجموعة الطبخ من لورباك يعني ١٠٠ جرام ( مذوبة ) .

٢- الطبقه الثانية : : : طبقة التشيز : :

جبن كريمي ٤٠٠ غرام .

2/3 كوب سكر حبيبات ناعم .

بيضتين كبيرة .

٤/١ كوب قشطة رائبه ( ساور كريم قشطة رائبة )
نص م ص فانيليا سائله .

٣- الطبقه الثآلثة :

نجيب ٣-٤ تفاحات نشيل القشر ونقطعها

مكعبات صغيره ونضيف عليهم عصرة ليمون عشان مايتغير اللون .

٤- الطبقة الرآبعة : - كوب طحين أبيض متعدد الاستعمالات .

٤/١ كوب شوفان سريع التحضير .

٣/١ كوب سكر بني الفاتح .

٤/١ ملعقة صغيره قرفة مطحونة .

رشة ملح .

٤/١ كوب زبدة غير مملحة تكون باردة

مقطعه مكعبات صغيره .

- الطريقه :

١/ نسخن الفرن إلى ٣٢٥ درجة وبعدين نجهز الطبقه الأولى نرصها بالقوالب مضبوط
وندخلها للفرن ٥ دقايق ونخليها على جمب لين تبرد .

٢/ نجهز الطبقه الأخيره ونحطها بالثلاجه لين نخلص من طبقة التشيز والتفاح .. ( نخلط الطحين والشوفان والسكر البني والقرفة والملح ونضيف الزبدة الباردة ونفركها بأطراف الأصابع مع كل المكونات ) .

٣/ نجهز خلطة التشيز ولازم تكون كلها بدرجة حرارة الغرفه ... نخفق الجبن الكريمي مع السكر اول شي لين يصير الخليط ناعم وبعدين نضيف بيضه ونخلط لين تختفي وبعدين نضيف الثانيه ونخليها لين تختفي وبعدين نضيف القشطة الرائبه والفانيليا . ومانكثر خلط بس نشوفهم اندمجو على طول نطفي الخلاط .

نحط الخليط فوق طبقة البسكوت وفوقه نحط شوي تفاح نعبي سطح طبقة التشيز وبعدين فوق التفاح خلطة الطحين والشوفان وندخلها الفرن لمدة ٢٥ دقيقة مانزيد على هالمده وأول مايخلص التشيز نخليه نص ساعه في درجة حرارة الغرفة 30 ثم ندخله الثلاجة اقل شي ٣ساعات .
وبعدين عند التقديم نجمله بصوص التوفي


* طريقة التوفي /

أول شي نجيب علبة قشطه ونحطها بصحن عميق في ماء حار ونخليها على جنب ونجيب قدر ونحط فيه كوب سكر + فنجال قهوه ماء + ملعقة شاي (ملح ) ونخليه ع النار لين يصير لونه ذهبي مايل للبني فاتح بس راقبوه زين وبعدين نضيف القشطه ونخلط بالسلك اليدوي بسرعه وخفّة يد لين يتمازج ويطلع عندك توفي ولا ألذ

- أنبّهكم على القشطه لمن تضيفونها انتبهو على أنفسكم

وعساه بألف عآفيه على قلوبكم



إرسال الوصفة