سمبوسه التوست بحشوة هنديه بالصور
بواسطة: ام تومي
تاريخ الوصفة: 16/06/2015
سمبوسه التوست بحشوة هنديه بالصور
لذيذ وسهل وحار .. للي يحبون الاكل الهندي ، سمبوسه هنديه بس بالتوست بدل العجينه ولذيذ جدا انا مرا حبيته
اصلا انا احب الحاجات الحاره عشان كذا عجبني
مقادير وطريقة عمل سمبوسه التوست :
اول شي نسلق بطاطس مقطع مربعات صغيره.. بعدين في قدر ثاني نكشن بصل وثوم وزنجبيل طازج ولما يذبلو نضيف رشة كزبره وكمون وكاري وفلفل اسود ، ونضيف عليه البطاطس وفلفل حار حلقات ونحرك وبعدين نضيف كزبره طازجه ونطفي النار .. هذي الحشوه ~ .
اما السمبوسه نفرد التوست ونشيل الاطراف ونغمسه ب حليب ونضغط عليه عشان نتخلص من الزايد بعدين نحط ملعقه من الحشوه ونسكر بعدين نغمسه في بيض ثم بقسماط مبهر ب فلفل اسود واحمر .. ونقليه بزيت حار وبالعافيه .. .
ملاحظه :
ممكن تصغرين حجم التوست يطلع ارتب وشكله يشبه السمبوسه انا طالع معاي الحجم كبير لاني بس شلت الاطراف
