السلطة المشوية التونسية

طريقة عمل السلطة المشوية التونسية


الكمية تكفي لصحنين كبيرين.

المقادير :

5 فلفل حار 2 فلفل حلو, 3 طماطم, 2 سنون ثوم, 1 م ص تابل (كزبر ناشف أي حبوب الكزبرة الناشفة (بذور الكزبرة الناشفة)) و كروية. ملح و شوية فلفل اسود. زيت زيتون.
للتقديم : تن, 1 بيض مسموطة, زيتون.

الطريقة :

اصمطي الطماطم في الماء و شوية ملح و حطيهم يستقطرو. و بعد اعصريهم بيدك في كسكاس أو صفاية واسعة. راح تلاقيه الكل هبط إلا القشور و العروق الخشينة. (تقدري أيضا تشويها الطماطم)

اشوي الفلفل و الثوم , حطي الفلفل في كيس بلاستيكي لسهولة التقشير.
هرسي التابل و الكروية و الملح و شوية فلفل اسود , بعد زيدي الثوم و هرسيه, و بعد قشري الفلفل ( اذا تحبي نحي البذور) و هرسي بالواحد بالواحد و خلطيهم مع الطماطم.
في التقديم حطي السلاطة في صحن , صبي عليها زيت الزيتون و زيني حسب الرغبة.

أترككم مع الصور للتوضيح أكثر :



















نصيحتي لرمضان :

أول ما يتواجد الفلفل بكثرة و يرخص, (في الصيف), اختاري نهار فيه النسمة , و اشوي كمية كبيرة من الفلفل , قسميها في اكياس من غير ما تقشري الفلفل (حوالي 8 حبات في كل كيس), و حطيهم في الفريزر.




في رمضان , كل عشية هبطي كيس , اول ما يتنحى التثليج قشريه و اسمطي شوية طماطم و كملي نفس المراحل الي حطيتهالكم قبل, و الثوم من غير ما تشويه. و الا من غير طماطم قشري الفلفل و هرسيه و على النار قليه في شوية زيت مع بيضة و ملح و فلفل اسود : تكوني حضرتي عجة في دقيقتين!
و الفلفل المشوي يصبر حتى عام كامل في الفريزر, يعني في الشتاء القادم وقت اللي أسعاره تغلى , تقدري تحضري سلاطة مشوية في كل وقت!!

دعواتكم.

ملاحظة : اللي ما عندها مهراس تقدر تستعمل ماكينة السلاطة هذه :