• EN
  • اشراف أم حاتم
موسوعة الطبخ شوربات شوربة الشوفان الصحية

شوربة الشوفان الصحية

بواسطة: عبير العميرة
تاريخ الطبخة: 29/06/2015

طريقة عمل شوربة الشوفان الصحية
http://www.encyclopediacooking.com/upload_recipes_online/uploads/images_%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%B4%D9%88%D8%B1%D8%A8%D8%A9-%D8%A7%D9%84%D8%B4%D9%88%D9%81%D8%A7%D9%86-%D8%A7%D9%84%D8%B5%D8%AD%D9%8A%D8%A9.jpg
حبيت هالشوربه لأنها تشبّع تعتبر وجبه مع السلطه اكتفي فيها

مقادير وطريقة عمل شوربة الشوفان :

١- نجيب قدر وسط نحط فيه بصله كبيره مفرومه مع زيت ونحمس على نار هاديه واذا بدى يذبل البصل نضيف بهارات عدله ( ليمون اسود ، اعواد دارسين ، ورق غار ) .
ثمن نضيف الدجاج المقطّع لقطع صغيره بدون عظم .

٢- بعد مانشوّح الدجاج نضيف شوي فلفل اسود وفلفل احمر مطحون وشوي ثوم بودره وشوي دارسين مطحون وشوي كركم ، ونضيف فلفل رومي أحمر وأخضر مقطعه صغار ، وبعدين نضيف ٣ طماطم وسط مفرومه بالخلاط + ملعقتين كبيره صلصة طماطم ونخليه يتسبّك لمدة ربع ساعه . .

٣- نضيف لتر ونص ماء مخلوط معه نصف كوب من الشوفان الصحّي والماء يكون بارد مو ساخن ونضيفه ع الدجاج ونخليه على نار عاليه لين يبدى يغلي ونحرّك بالمشبك اليدوي وبعدين نضيف الملح . .

٤- نخليها على نار هاديه لمدة ساعه ونص تقريباً وآخر شي نضيف كزبره مفرومه وتصير جاهزه الشوفان الصحّي يطلع قوامه مثل شوربة حب الجريش لذيذ مرره وتشبّع ماتخليك تآكلين كثير اهم شي أبدي فيها مع السلطه ويصير هو العشاء واذا جاء السحور زبادي مع تمر .. امسكو أنفسكم عن الخربطه في الأكل ملابس العيد لا تضيق عليكم
:.
.
و جعلها صحّه وعآفيه على قلوبكم

كذا يكون قوام الشوربة مع عصرة ليمون ورشة فلفل أسود خطيره
http://www.encyclopediacooking.com/upload_recipes_online/uploads/images_%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%B4%D9%88%D8%B1%D8%A8%D8%A9-%D8%A7%D9%84%D8%B4%D9%88%D9%81%D8%A7%D9%86-%D8%A7%D9%84%D8%B5%D8%AD%D9%8A%D8%A92.jpg



التقييم
شاركي معنا