• EN
  • اشراف أم حاتم
موسوعة الطبخ عمل البيتزا البيتزا عجينة الأعشاب اللذيذة

البيتزا عجينة الأعشاب اللذيذة

بواسطة: عبير العميرة
تاريخ الطبخة: 29/06/2015

طريقة عمل البيتزا عجينة الأعشاب اللذيذة
http://www.encyclopediacooking.com/upload_recipes_online/uploads/images_%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%A7%D9%84%D8%A8%D9%8A%D8%AA%D8%B2%D8%A7-%D8%B9%D8%AC%D9%8A%D9%86%D8%A9-%D8%A7%D9%84%D8%A3%D8%B9%D8%B4%D8%A7%D8%A8-%D8%A7%D9%84%D9%84%D8%B0%D9%8A%D8%B0%D8%A9.jpg
خطيره هالبيتزا لأن العجينه منكّهه بالاعشاب فصاير طعمها وريحتها اول ماتستوي خيال

مقادير وطريقة عمل البيتزا بعجينة الأعشاب :

طريقة العجينة :

اللي يبي العجينه تضبط يخلي المواد
بدرجة حرارة الغرفه + خلط المكونات مضبوط وكل مازادت مدة العجن وخليتوها تتخمر على راحتها
كل ماطلعت لكم عجينه هشّه وممتازه

الطريقه :

كوبين ونص طحين كويتي ،
ملعقة كبيره ممسوحه خميره ،
ملعقة صغيرة بيكنج بودر ،
٣ ملاعق كبيره حليب بودره ،
ملعقة كبيره ونص سكر ،
ربع كوب زيت نباتي ،
نصف ملعقه صغيره ملح ،
+ م ص أعشاب فرنسية من بهارات الدار + م ص زعتر + م ص سماق .

تعجن بكوب وربع ماء دآفي شوي شوي زيدي الماء واعجني لين تصير عندك عجينه متماسكه وطريّه
اذا صارت ليّنه بزياده زيدي شوي طحين واذا ما انعجنت مضبوط زيدي شوي ماء واتركيها بمكان دافي ..
وإذا مرّت نص ساعه تقريباً اعجنيها مره ثانيه ،
وخليها تقريباً زياده ساعه أو حتى
يتضاعف حجمها . .
.
.
- طريقة صوص الطماطم :

وهذي طريقتي / في الخلاط /
نخلط ٤-٥حبات طماط وسط مع ثلاث فصوص وفنجان قهوه زيت زيتون
وملح وفلفل حار ( على حسب الرغبه) واوريغانو وبهارات ايطاليه وشوي فلفل اسود ..
بعدين اذا خلطناها نخليه على جنب .،
ونقطع بصل صغير جدا ًونحمسه لين يذبل ثمن نصب الطماط عليه وبعدين نحط عليه صلصه ملعقتين كبار او ثلاث تقريبا ونخليه يتسبك بعدين
نجيب طماطه او طماطتين ونقطعها صغار ونضيفها مع الطماط المطحون هالحركه مره تعطي لذّه ونضيف فلفل رومي مكعبات وبس نخليه ع النار هاديه لين يثقل الخليط شوي وخلصنا . :.
.
.
الحين ناخذ من العجينه كوره ونفردها باليد على صينية البيتزا اللي تجي فيها فتحات واحسن شي تكون البيتزا رفيعه ما احبها عريضه
بعدين نحط صوص الطماطم فوقه ( جبن موزريلا + قشقوان + كرافت ) بعدين زيتون شرائح وبصل شرائح رفيعه واذا تحبون ( فطر او دجاج او اي اضافه اضيفوها ) بعدين ندخلها للفرن ويكون مره حآر على أعلى درجه إذا ذاب الجبن نرش خفيف من فوق مره ثانيه ع الوجه من الاجبان ورشة من أعشاب توسكانا خطيره اخذتها من بهارات الدار ، ونخليها في الفرن تكمل استواء .

وجعلها هني وعآفيه على قلوبكم

هنا يوضح اكثر شكل الصينيه ولون التحمير من تحت وشكل البيتزآ وهي توها طآلعه من الفرن
http://www.encyclopediacooking.com/upload_recipes_online/uploads/images_%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%A7%D9%84%D8%A8%D9%8A%D8%AA%D8%B2%D8%A7-%D8%B9%D8%AC%D9%8A%D9%86%D8%A9-%D8%A7%D9%84%D8%A3%D8%B9%D8%B4%D8%A7%D8%A8-%D8%A7%D9%84%D9%84%D8%B0%D9%8A%D8%B0%D8%A92.jpg



التقييم
شاركي معنا