• EN
  • اشراف أم حاتم

مسقعة دايت

بواسطة: ابله عطيات
تاريخ الطبخة: 15/09/2015

مسقعة دايت
http://www.encyclopediacooking.com/upload_recipes_online/uploads/images_%D9%85%D8%B3%D9%82%D8%B9%D8%A9-%D8%AF%D8%A7%D9%8A%D8%AA.jpg

المكونات ..

بادينجان حسب الكمية المطلوبة يقطع شرائح متوسطة و يفضل ما تكون مره عريضة .

لحمة هبر تقطع صغار و هذي تعطي طعم افضل من المفروم

بصلة متوسطة مقطعة.

2 طماطم متوسطة مطحونة

4 ملاعق صلصة طماطم

زيت زيتون

ملح و بهارات و نص مكعب ماجي

صنوبر محمر

بقدونس مفروم



الطريقة :

طبعا هنا ما راح نقللي البادينجان ..

راح نحتاج قدر او مقلاة تيفال مع غطاء

نضع البادينجان في القدر ..و نصب عليه تقريبا فنجال شاهي زيت زيتون و كل ما زاد مقدار البادينجان نزيد كمية الزيت ..

و نغطي القدر ...على نار متوسطة ...و كل شوي نقلبها ...اذا حسينا البادينجان بدا يذبل نوطي النار مررررره و نكتم الغطاء ..

و بين فترة و فترة نخلطة ...و عادي لو تقطع البادينجان .... و نحط عليه رشة ملح

طبعا راح يطووول على النار يمكن اكثر من ساعة ..اهم شي يذوب البادينجان ..

نسوي اللحمة ...

نحمي زيت زيتون بقدر و نحمر البصل ..و بعدين نضيف اللحمة و الملح و البهارات و الماجي ...

و بعدين الصلصة و الطماطم ...

نخلية تقريبا 10 دقائق و نطفية ..اهم شي يكون فيه موية ..عشان يتشربها اليادينجان ..

اللحين نجيب صينية فرن ..وانا أفضل الفخار لانه ما يحرق بالاكل و يستوي تمام ..

نفرش البادينجان و نفرش فوقه اللحمة و مويتها ...و ندخله الفرن تقريبا نص ساعه 180 درجة ..

لما نحس الموية بدت تنشف نطفية ..

نرش فوقة الصنوبر و البقدونس ..و يقدم مع الصوص الابيض ..



الصوص الابيض:

زبادي + طحينة + ملح + ثوم تخلط و تصب في صحن التقديم فوق المسقعة ...



وبالعافيـــــــــــــة



التقييم
شاركي معنا