كب كيك التوست بالصور

طريقة عمل كب كيك التوست بالصور خطوة خطوة





جايبه لكم اليوم طريقه سهله و لذيذه للتوست


والكل صار يعرف ان التوست لها 100 طريقه و طريقه .. ويفك ازمات ,,

كب كيك التوست اكيد ان في النت 60 طريقه لكب كيك التوست بس هالطريقه مني ( انا ) و اعجبتني النتيجه النهائيه ..

لقطه جماعيه لمقادير عمل كب كيك التوست :


توست
صينيه كب كيك
حشوه دجاج
الصوص
جبن موزريلا


طريقه الحشوه :

يحمس بصل مفروح في قليل زيت الى ان يذبل يضاف له نصف مكعب ماجي
ويقلب .. ثم يضاف دجاج مفروم ويقلب لـ مده 7 - 10 دقايق
ثم نضيف جزر مبشور وفلفل بارد مقطع
وتقلب .. ثم تضاف بقيه البهارات ( فلفل اسود - بهارات مشكله )
واخيراً 2 ملعقه كبيره صويا صوص + 2 ملعقه كبير ماء وتغطى وتترك 5 دقايق على نار عاليه

تنبيه :

الكميه المستخدمه كـ التالي ( نصف بصله متوسطه + نصف صحن دجاج مفروم + جزره صغيره + ربع فلفل بارد )


طريقه الصوص :

نصف عليه قشطه تاج
2 م ك جبن سائل
2 م ك مايونيز
رشه ملح = رشه بودره ثوم

تنبيه :

هالمقادير تكفي بالضبط لـ 12 كب كيك بدون زياده او نقصان

طريقة عمل كب كيك التوست :

نفرد التوست فرد متوسط .. ونقطعه بـ القطاعه الدائريه ~

وندخلها بـ الصينيه ~


نشتغل على هالخطوه .. الين نخلص كل قوالب الكب
وبعدين نرجع نطلع التوست من القوالب ~


يصير مأخذ شكل الكب ( هالخطوه اختياريه )

بس انا كذا اسهل لي اذا جيت ادهن قلب كل كب توست بـ عكس لو دهنتها من قبل بـ تحوس لي الدنيا وتنحاس اليد والصينيه ~

المهم ندهن قلب كل كب بـ نصف ملعقه صغيره او اقل ( عشان لا يقسى و ينشف )


ووقت ما نرجعها لـ القوالب راح ترجع بـ سهوله ~
ونبدأ بـ الحشوه ملئ ملعقه صغيره ,,


نحط قليل جبن مبشور ( النوع اللي تفضلونه ) ~




واخيراً نحط من الخلطه البيضاء ~
وهـ الخطوه اشتغل فيها بـ ملعقتين زي ماهو واضح بالصوره ,,




وبـ كذا خلص الشغل ..

ندخلها الفرن من تحت 10 دقايق او اقل ما نبيها تتحمص بـ زود

ومن فوق الين تكتسب الخلطه لون ذهبي حلوه ~

ولاني من عشاق الاكل الساخن فـ كانت من الفرن على السفره على طول ~

( اذا تبونها للفطور دخلوها الفرن قبل اذان المغرب بـ 20 دقيقه )


وهنا صورت كب كيك التوست على السفره ~


لقطه جانبيه للكب كيك التوست



شوفوا درجه تحمير التوست من تحت ~


زووووم


واتمنى اكون قدمت شئ جديد و مفيد ~

جربوها