حلى كاسات رد فلفت تشيز كيك
بواسطة: Khloe
تاريخ الوصفة: 23/12/2015
طريقة عمل حلى كاسات رد فلفت تشيز كيك
تعودتوا تاكلونه كيك جربوه هالمره تشيز
طبعاً هو بطريقتي الجميله المعتمده
اللي هي
كيكة بيتي كروكر الخليط الاصفر أو الأبيض في حال ماتوفر الأصفر
اسوي نفس المقادير المكتوبه على العلبه بس بدل ما احط الماء ابدله بكاس لبن المراعي فقط
ملعقتين صغار تشوكلت باودر نسكويك
ملعقتين صغار لون الطعام توت باودر
وهذا شكله تلاقونه مع الكيك وزينة الكيك بأغلب الهايبر ماركت
نخلطها وندخلها الفرن 20 دقيقه
بعد ماتنضج وتبرد
احطها بكاسات وأكون مجهزه الكريما
الكريما :
علبه جبن فلادلفيا صغير
كاس سكر باودر
ملعقتين صغار فانيلا باودر
ومثل ما أنتوا شايفين طبقة كيك طبقة كريما
وتزين بالنعناع وتقدم وبالعافيه
