طريقة عمل كلوب توست ساندويتش مرتديلا بالصور
بواسطة: عبير العميرة
تاريخ الوصفة: 23/02/2016
مقادير وطريقة عمل ميني كلوب مرتديلا :
التوست استخدمت توست لوزين طري ولذيذ
١- نجيب التوست ونشيل الحواف بسكينه حادّه .
٢- ندهن اول شريحه بجبن سايل مسحه خفيفه ونحط المرتديلا وبعدين ندهن شريحه ثانيه ونحطها فوق المرتديلا .
٣- وبعدين نحط جبن شرائح وفوقها بيض يكون رفيع مررره نسويه بتاوه وسيعه عشان يصير طبقه رفيعه .
٤- وبعدين نجيب توست وندهنه خفيف بجبن سايل ونحطه فوق البيض ونضغطهم خفيف وبعدين بسكينه حادّه نقطعهم على شكل زائد بحيث يكون عندك ٤ مثلثات .
٥- نجيب عود اسنان وندخله مع النص ونحط ع الجنب الطماطم الكرزي نقصه مع النص ونثبته مع الجهتين .
ملاحظه :
إذا بتقدمونه في نفس الوقت أضيفو خس + مايونيز بدال الجبن يكون اطعم
وبألف عافيه على قلوبكم
