• EN
  • اشراف أم حاتم

ألذ وأسهل وأفضل بان كيك pancakes

بواسطة: كويتيه
تاريخ الطبخة: 28/04/2016

ألذ وأسهل وأفضل بان كيك pancakes
http://www.encyclopediacooking.com/upload_recipes_online/uploads/images_pancakes-recipe-%D8%A3%D9%84%D8%B0-%D9%88%D8%A3%D8%B3%D9%87%D9%84-%D9%88%D8%A3%D9%81%D8%B6%D9%84-%D8%A8%D8%A7%D9%86-%D9%83%D9%8A%D9%83.jpg

طريقة بان كيك أطعم من أي طريقة ذقتيها . أنا جربت كثير بس هذي الطريقة اللي بعدها خلاص وقفت أدور ، ومقاديرها سهلة :

كوبين طحين متعدد الإستخدامات منخولة

ملعقتين كبار بيكنج باودر

ملعقتين كبار سكر

١/٢ ملعقة شاهي ملح

كوبين لبن ( صدقيني هذا للي يسوي كل الفرق )

بيضتين

ملعقتين كبار زبدة أو زيت .


أول شي إنخلي المواد الجامدة مع بعض . طبعا لو تبغين تقدرين تحطينها في كيس و تحفظنها لوقت ثاني وبكذا تسوين زي البانكيك حق السوبرماركت ، يعني كيس خلطة وتزيدين عليه المواد السايلة وبس .

أخلطي المواد السايلة في صحن .

بعدين في صحن خلط حطي المواد الجامدة في جهة من الصحن و حطي المواد السايلة في الجهة الثانية بعدين إبدي إخلطي إلين ما تلاقينها تقريبا إنخلطت . لاحظي إني قلت تقريبا إنخلطت زي ما أقول كل مرة لا تخلطينها كثير عشان ما تسير ناشفة ، إخلطيها شوي شوي إلين ما كل الطحين يختفي تقريبا يعني عادي تلاقين كتل طحين لا تحطين حيلك فيها هذي بتختفي في الخطوة اللي بعدها . تذكري التفاصيل الصغيرة هي اللي ترا تسوي كل الفرق . الحين خلي الخليط يرتاح شوي ٥ دقايق .

بعد ٥ دقايق بتلاقين الخليط صار شكله غريب ، صدق والله شكله كنه رغوة صابون بس ما عليك . الحين سخني الصاج لو عندك أو مقلة عادية على حرارة وسط . و بعد ما تحتر إدهنيها بشوي زيت . الحين بمغرفة صبي حوالي مغرفة من الخليط على المقلة في مكان واحد ( عشان تجيك دائرية ) و إنتظري إلين تطلع فقاعات للسطح بعدين إقلبيها .

ملاحظة : إنتبهي لا تخلطين الخليط كثير بعد ما يرتاح مهم جدا إن الهوا اللي جوا يبقى جوا .

البانكيك ياخذ حوالي ٣ - ٥ دقايق عشان يستوي . قدميها مع شيرة البانكيك ( طبعا النوع الأصلي ) و زبدة .


لو تحبين قدميها بعد مع موز و بيكان محمص أو لوز عادي بعد ينفع .



بالنسبة للوافل :


طبعا خلطة بان كيك اللي حطيتها ما أعتقد تصلح للوافل ، بس وصفات البانكيك العادية بتعطيك نتيجة مرضية .في الوافل البلجيكي الأصلي صفار البيض ينفصل عن البياض أول وينحط مع الخلطة بعدين البياض ينخفق لحالة إلين يعطي رغوة وبعدين ينجمع مع الخلطة ، النتيجة هي إن الرغوة هذي تخفف الخليط وتخليه زي الرغوة من جوا وبنفس الوقت يكون يقرمش من برا . غير كذا وصفات الوافل الأصليه مليانة دهن عشان تعطيك القشرة اللي برا وعشان تمنع الوافل إنه يلصق في الجهاز حقه .


التقييم
شاركي معنا