• EN
  • اشراف أم حاتم
موسوعة الطبخ المطبخ العالمي المطبخ المكسيكي عمل تورتيلا فاهيتا الدجاج من المطبخ المكسيكي

عمل تورتيلا فاهيتا الدجاج من المطبخ المكسيكي

بواسطة: عبير العميرة
تاريخ الطبخة: 19/06/2016

عمل تورتيلا فاهيتا الدجاج من المطبخ المكسيكي
http://www.encyclopediacooking.com/upload_recipes_online/uploads/images_%D8%B3%D8%A7%D9%86%D8%AF%D9%88%D8%AA%D8%B4-%D9%81%D8%A7%D9%87%D9%8A%D8%AA%D8%A7-%D8%A7%D9%84%D8%AF%D8%AC%D8%A7%D8%AC-%D8%B9%D9%84%D9%89-%D8%A7%D9%84%D8%B7%D8%B1%D9%8A%D9%82%D8%A9-%D8%A7%D9%84%D9%85%D9%83%D8%B3%D9%8A%D9%83%D9%8A%D9%87.jpg

فاهيتآ الدجاج المكسيكيه ❤️ لذيذه وسهله وشكلها في التقديم جميل

. - المقادير والطريقه مع بعض :

١/ نجيب صدور دجاج ونقطعها مكعبات صغيره ونتبلها بـ ليمون وشوي خل وزيت وبهارات الفاهيتا ماعندي بهارات الفاهيتا .. راح اكتب لكم وش حطيت : ( (٢ م ص فلفل اسود , م ك كمون , م ص قرفة , م ص كزبرة جافة ,نصف م ص هيل , م ص بودرة البابريكا , م ص بودرة الفلفل الاحمر الحار ,م ص بودرة الثوم , م ص بودرة البصل الجاف اذا توفر ) كلها مطحونة ثمن نخلطها مع بعض ونستخدم منها الكميّه المرغوبه .
ونحطها بالثلاجه اقل شي ساعه واذا مستعجله عادي على طول

٢/ نجيب التاوه ونحمس فيها بصل شرائح رفيعه + ثوم مفروم ونرفع النار عشان نبي البصل والفلفل يذبل شوي بس مو مره يكون فيها قرمشه وبعدين نضيف فلفل أخضر حار مقطع شرائح رفيعه + فلفل ألوان ( احمر + اصفر + اخضر ) ونضيف عليهم م ص من البهارات الفاهيتا المشكله اللي كتبتها فوق وبعدين نحطها بصحن بدون مانغطيها ونخليها على جنب وبنفس التاوه نحط الدجاج ولازم النار عاليه والتاوه مره حاره عشان الدجاج يتحمر بسرعه بدون ماتنزل منه مويه ويطلع طعمه كأنه مسلوق انتبهو على هالنقطه ونجلس نشوح فيه لين يكتسب لون احمر خفيف وبعدين نحط عليه الحمسه اللي على جنب ونخليهم يكملون استواء وبعدين نضيف عليهم بطاطس مكعبات مقلي + كريمة طبخ + جبن سايل + موزيلا اللي تجي بالوزن نبشر فوقهم على حسب الرغبه وبعدين اذا تسبكو مع بعض نطفي النار ونضيف شوي بقدونس + كزبره مفرومه وبس ونحشيها جوا التورتيلا ونبرمها زي الرول واذا حابين زي الكاساديا تنفع

وأنا أكتب لكم الطريقه خلاص دخت http://www.encyclopediacooking.com/arabic/images/icon/2.gif احب هالساندوتش مره

- الصوص :

( كاتشاب + فلفل حار مجروش + ملعقة صغيرة شطة تباسكو + شوي مايونيز بالثوم + شوي خردل ) هذا الصوص اختياري زيدي ونقّصي بالمقادير على حسب رغبتك ❤️.


ان شاء الله تجربونه ويعجبكم وعساه هني وعآفيه على قليباتكم ياقليبي أنتم ☺❤️ .،
- ملاحظه / التورتيلا جاهز ماركة ( فونتي ) .


التقييم
شاركي معنا