• EN
  • اشراف أم حاتم
موسوعة الطبخ عمل الخضار محاشي مشكلة من وصفات طبخ مشاعل الطريفي

محاشي مشكلة من وصفات طبخ مشاعل الطريفي

بواسطة: مشاعل الطريفي
تاريخ الطبخة: 14/04/2018

محاشي مشكلة من وصفات طبخ مشاعل الطريفي
http://www.encyclopediacooking.com/upload_recipes_online/uploads/images_%D9%85%D8%AD%D8%A7%D8%B4%D9%8A-%D9%85%D8%B4%D9%83%D9%84%D8%A9-%D9%85%D9%86-%D9%88%D8%B5%D9%81%D8%A7%D8%AA-%D8%B7%D8%A8%D8%AE-%D9%85%D8%B4%D8%A7%D8%B9%D9%84-%D8%A7%D9%84%D8%B7%D8%B1%D9%8A%D9%81%D9%8A.jpg

طريقة عمل المحاشي المشكلة:

نحمس راس بصل وفصين ثوم مفرومين ناعم لين يذبل بعدين اضيف ملعقتين معجون طماطم واقلب بعدين اضيف كوبين رز مصري مغسول ومنقوع ساعة بماء فاتر ومصفى بعدين اقلب وأضيف كمون وكزبرة وكركم وفلفل احمر(شطة) وملح وأقلب بعدين اسكر النار وأضيف الكزبرة والبقدونس الخضراءالمفرومة وأتركها جانباً
أحضر الفلفل الأحمر البارد حجم واحد إما صغير أو وسط ماأنصحكم بالكبار وفلفل احمر حار كبير وكوسة وممكن بطاطس وجزر أغسلهم وأحفرهم من الداخل بعدين أحشيهم ثلاثة ارباع واترك الربع فاضي
أحضر قدر الضغط وأضع في الأسفل حلقات بصل وقطع لحم وفصوص ثوم كاملة بدون فرم بعدين أصف الخضار بشكل طولي بعدين أضع بالخلاط ماء ومعجون طماطم وحبة طماطم وملح وفلفل اسود وأصب الخليط بالقدر فقط للنصف وأغطي قدر الضغط وأشغل النار عالية واذا بدأ يصفر أقصر النار لمدة نصف ساعة وبالعافية.

طريقة ثانية للتسقية:

في قدر ضغط احمس بصل وثوم مع شوي زيت واذا تحمر اضيف شوي معجون طماطم واقلب بعدين اضيف حبة طماطم مفرومة وأقلب بعدين اضيف لحم مقطع صغار مع عظم وأقلب عشر دقايق بعدين اضيف ماء (المقدار اللي يغطي نصف قدر المحاشي) واشغل النار عليه بس يستوي اللحم نصف استواء بعدين اصب اللحم والمرق على المحاشي بعد تصفيته
اذا سويتوا الطريقة هذي لاتحطون لحم بقدر الضغط ولا تسوون الخلطة اللي بالخلاط جربوها طعم بالراس روعة


التقييم
شاركي معنا