• EN
  • اشراف أم حاتم
موسوعة الطبخ المطبخ العربي المطبخ الفلسطيني طريقة عمل المبروشة بالطريقة الفلسطينية

طريقة عمل المبروشة بالطريقة الفلسطينية

بواسطة: ميس المحسيري
تاريخ الوصفة: 01/12/2018

طريقة عمل المبروشة بالطريقة الفلسطينية
http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%A7%D9%84%D9%85%D8%A8%D8%B1%D9%88%D8%B4%D8%A9-%D8%A8%D8%A7%D9%84%D8%B7%D8%B1%D9%8A%D9%82%D8%A9-%D8%A7%D9%84%D9%81%D9%84%D8%B3%D8%B7%D9%8A%D9%86%D9%8A%D8%A9.jpg

مهما درنا و لفينا و جربنا وصفات جديدة دايما بنرجع للاشياء القديمة اللي بتزكرنا بطفولتنا و لمتنا الحلوة💖 المبروشة من أكتر الحلويات اللي اكلناها و احنا صغار...ممكن تحشوها بأي نوع مربى بس بالنسبة الي هي مرتبطة بمربى المشمش اللي كانت تعمله ست الحبايب بالبيت لهيك حبيت اعملها بنفس الطعم😍😍😍 و انتو بتقدرو كمان تتحكمو بسماكتها و تعملوها سميكة أو رفيعة..

المكوّنات لعمل المبروشة :

2 بيض
ملعقة صغيرة فانيليا
0.66 كوب سكر مطحون ناعم
0.5 كوب زبدة أو زيت
كوبين طحين
ملعقة و نص باكنج باودر
مربى بالنكهة المرغوبة


الخطوات لعمل المبروشة :

نجهز صينية خبز قياس 23 سم اذا بدنا إياها سميكة أو صينية أكبر اذا بنحبها رقيقة. ندهنها بالزيت و نغلفها بالطحين.

نخفق البيض مع الفانيليا بالخفاقة الكهربائية ثم نضيف السكر المطحون و نخفق لمدة دقيقتين ثم نضيف الزيت أو الزبدة.

نضيف نصف الطحين المخلوط بالباكنج باودر و نخفق فقط حتى تتجانس المواد. ثم نضيف النصف الثاني و نكمل الخلط باليد أو بالملعقة الخشبية حتى تتجانس المواد و تصبح عجينة متماسكة.

نأخذ ثلثين كمية العجينة و نفردها بالصينية بشكل متساوي. نثقبها بالشوكة في عدة أماكن حتى لا تنتفخ أثناء الخبز.

نوزع طبقة المربى فوق العجينة و تكون كميته حسب الرغبة.و نترك قليلا من أطراف العجينة بدون مربى.

نضيف ملعقتين كبار طحين للثلث الباقي و نعجنها حتى تتجانس و نبشرها بالمبشرة اليدوية فوق طبقة المربى.

تخبز على حرارة 200 حتى تتحمر الأطراف و تستوي العجينة. تترك لتبرد ثم نقسمها إلى مربعات و تقدم.

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%A7%D9%84%D9%85%D8%A8%D8%B1%D9%88%D8%B4%D8%A9-%D8%A8%D8%A7%D9%84%D8%B7%D8%B1%D9%8A%D9%82%D8%A9-%D8%A7%D9%84%D9%81%D9%84%D8%B3%D8%B7%D9%8A%D9%86%D9%8A%D8%A92.jpg


إرسال الوصفة