• EN
  • اشراف أم حاتم

طريقة المصابيب للنفاس

بواسطة: ليالي نجد
تاريخ الوصفة: 26/11/2019

طريقة المصابيب للنفاس
http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%A7%D9%84%D9%85%D8%B5%D8%A7%D8%A8%D9%8A%D8%A8-%D9%84%D9%84%D9%86%D9%81%D8%A7%D8%B3.jpeg

يعتبر المصابيب من الاطباق واكلات للنفاس سهله التحضير

اكل النفاس او الاطباق المهمه للنفاس كثيرة وراح اعلمكم طريقة المصابيب وهو من من ألذ أكلاتنا النجدية

تعمل المصابيب بالبر ساده بالسمن البري او نبلها ببصل وطمام وناكله لما نجوع


طريقة المصابيب

تحطي بالخلاط الكهربائي الكاس

كاس حليب بودرة

نص ملعقة بكنج بودر

ربع كاس زيت

ذرة ملح

سكر فنجان قهوة

كركم رشة صغيرة

حبة سوداء ( اختياري )

تقريبا كاس او كاس ونص ماي

وتخلط جيدا لمدة 3دقائق

بعد ذلك افتحي الخلاط وهو يشتغل واضيفي دقيق البر بدون اضافة الدقيق الابيض

ويفضل بر القصيم تقريبا 2كاس على العموم خليها زي القطايف او اثقل شوي

بعد ذلك حمي الصاج او التيفال وخذي بملعقة الطعام من الخليط وضعية على الصاج

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%A7%D9%84%D9%85%D8%B5%D8%A7%D8%A8%D9%8A%D8%A8-%D9%84%D9%84%D9%86%D9%81%D8%A7%D8%B32.jpeg

حتى تحمر من الاسفل ثم اقلبيها بعد ذلك ضعيها في حافظة ورشي عليها قليل من السمن وملعقة من العسل

وتغلق وهكذا حتى تنتهي

بس لاتحاولي تكثري السمن حاجة بسيطة على كل طبقة

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%A7%D9%84%D9%85%D8%B5%D8%A7%D8%A8%D9%8A%D8%A8-%D9%84%D9%84%D9%86%D9%81%D8%A7%D8%B33.jpeg

اما طريقة المراصيع فهي عباره عن دقيق بر وماء وذرة ملح وبعض الناس يقطعون معه بصل لكن تراه ماينفع البصل للنفاسيه ...

تعجيننها مع بعض وتكون رخوة يعني مي متماسكه بس مي سائلة وتحمين مقرصه أو صاجة على حسب الي عندك وتضعين مقدار دائرة متوسطة ثم تتركينها لما تستوي وإذا استوت ترشينها بماء وتقلبينها على النار حتى تستوي من الجهة الثانية ...

يمكنك عمل كمية كبيره منها وتجميدها لحين الاستعمال ....

إذا اردتي تقديمها احمسي كمية من البصل المفروم ناعم مع سمنه حتى يذوب قليلاً ثم اضيفي حليب أو ماء على حسب الرغبة لكن لاتكثرين وذرة ملح ...

وبعد مايغلي صبي على المراصيع الي تكون موضوعه في قدر ثاني حتى يرطبها بس مايغطيها واتركيها ربع ساعه على نار هادئة ... يمكنك اضافة الليمون الاسود المطحون والقرفة المطحونه معها ...

وبالهنا والعافيه

والمراصيع إذا عملت بالصاجة قبل بلها بالحليب أو الماء تكون قاسيه بالمره بخلاف المصابيب الي تكون مثل البان كيك

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%A7%D9%84%D9%85%D8%B5%D8%A7%D8%A8%D9%8A%D8%A8-%D9%84%D9%84%D9%86%D9%81%D8%A7%D8%B35.jpeg

ودامنا حطينا عن مصابيب النفاس راح أنزل لكم طريقتي بنفاسي

اللي تبي تطهر بسرعه تستخدم هذي الطريقه

وتطلع بعد النفاس عروس

تتبع طريقتي وماراح تندم

خلطة الاكل تستخدم كبهارات

كاس حلبة القصيم وكاس حبه سودا ونص كاس فلفل اسود
اطحنهم واحطهم بعلبه وتصير خاصه للاكل بس وبأمكانك تستغنين عن الفلفل اذا معك قولون والا قرحة معده او تقللينه


او خلطة العتيبيات على قولة وحده
اللي هي

كاس ماش / نص كاس شمر / نص كاس حلبه / ربع كاس حبه سودا / ربع كاس كمون / ربع كاس فلفل ابيض / ربع كاس فلفل اسود(مو ضروري للي مايتحمله)

تخلطينها وتطحنينها وتحطين ملعقه من الخلطه
على الاكل لاتطبخينها اقصد تاخذين منها ملعقه وتحطينها بطرف اكلك
اتمنى فهمتوا علي
واذا تبينها بالحليب حطي ربع كاس سكر نبات
والافضل تستخدم مع الاكل فايدتها اقوى

&&&&&&&&&&&&

اول 10ايام اكل رشاد ملعقه قبل الفطور وملعقه قبل الغدا وملعقه قبل العشاء

وما استخدم اللهوم ابد الا بعد الـ10 ايام الاولى
((هذا السر اللي للاسف كثير من البنات يجهلونه))

وبالدوره
اول 3الـ ايام رشاد والـ4 الايام الاخيره لهوم

&&&&&&&&&&&&&&&

بالنسبه للاكل

اول الـ20 يوم اكلي برّ فطوري وغداي وعشاي

الفطور
1- خبز مفروك بسمن وشوي بصل واحط ملعقة من خلطة الحلبه والحبه السودا مع العجينه ولانضجت العجينه فركت الخبز بالسمن والبصل
او
2- مصابيب نفس الشي احط ملعقه من الخلطه مع عجينة المصابيب واسويها عادي وخلطتها ياما اقطع بصل صغار واطبخه مع ملعقة سمن على النار لما يذوب البصل ثم اصبها على المصابيب واحط عليه ملعقتين عسل طبيعي وارج الحافظه لما تختلط بالمصابيب

ومع الفطور حليب الحلبه
طريقته
اغسل ملعقتين حلبه حب واحطهم من الليل في كوب ماء حار واغطيها واليوم الثاني اصفي الحلبه من الماء واخذ الماء واحط عليه كاسين حليب السعوديه او المراعي
واطبخه مع موية الحلبه واحط شوي سكر
ولا فاح الحليب حطيته بترمس خاص فيه
ويكفي حدود كوبين من الحليب

&&&&&&&&&&&&&&

الساعه 12 الظهر
كاس عصير برتقال مع بنجر (شمندر)

&&&&&&&&&&&

والساعه 2 الظهر الغدا
يا اما
1- مرقوق ومعه ملعقه من خلطة الحلبه والحبه السودا
او
2- رز حساوي مع سمن ولحم
او
3- عصيده بسمن وعسل
&&&&&&&&&&&&&

المغرب
قهوة قشر مع تمره خاصه
تمرتي مره لذيذه
اعجن تمر مع شوي رشاد وشوي سمن وشوي قرفه
واكور حدود 5 حبات وسط من التمره
واحط لكل يوم بكيس صغير
واحطهم بحافظه صغيره
اول شي اسوي لـ 5 ايام علشان ماينشف التمر وحلاته يكون لين وجديد اول باول
واذا خلص اسوي نفس الشي حق الـ5 ايام اللي بعدها

&&&&&&&&&&&&&&&&

الساعه 9 او 10 بالليل
العشاء
ياما
1- عصيده بالسمن والعسل وهذي بس اركز عليها بالـ20 يوم الاولى
او
2- مرق خضار ولحم معه ملعقه من خلطة الحلبه والحبه السودا واكله مع خبز وسلطه
او
3- مصابيب مع مرقة لحم معها ملعقه من خلطة الحلبه والحبه السودا

&&&&&&&&&&&&&&&&

وقبل انام
اخذ كاس حليب بالحلبه

&&&&&&&&&&&&&&&

الغسول

الاسبوعين الاولى
غسول طبي واغسل بماء دافي وملح فرنسي

وبعد الاسبوعين
استخدم الارطه وقشر الرمان
واخذهم من العطار علب معقمه ومغلفه
اللهم احطهم بقدر فيه مويه واتركهم يطبخون لما يثقل الماء
والقدر يكفي 10 ايام
العطار بالاحساء ومادري وين يبيعونها بالرياض
<<<<<<<<<< اهلها بالاحساء

اغتسل مرتين باليوم الصباح بعد الفطور وبعد المغرب

&&&&&&&&&&&&

والكبو مره باليوم بعد المغرب
احط شوي قشر بصل وشوي كمون وشوي خواجوا بس ماستخدم غيرهم ابد
لان المره تسبب شمم اذا طبخت او حطيتيها على الجمر
واكبر غلط تبخرين فيها
والفلفل الهوا مساوئه اكثر من محاسنه

&&&&&&&&&&&&&&&&

اهم شي وبالمختصر المفيد

1- الرشاد باول الـ10 ايام الاولى قبل الاكل ملعقه

2- والـ30يوم الاخيره تاكلين ملعقه من اللهوم بعد الفطور بساعه وقبل الغدا وقبل العشاء

3- الحلبه ماتضر ابد لا باول النفاس ولا باخره
ومايقوي العظام ويشد اللحم الا هي
واتركوا خرابيط البنات اللي كل يوم يطلعون بطب

4- والرشاد استخدامه ضروري اول ايام النفاس لان فايدته بالاول ينظف الرحم ويطهرك بسرعه ولاياثر على الرحم ابد
اما سالفة حار والرحم باول النفاس يكون رخوا وياثر فيه
هذي وربي خرابيط
اذا ماستخدمتيه باول النفاس وش فايدته باخر النفاس؟؟

كلامي من وحده خبيره بسوالف النفاس والدوره عمرها فوق 80 سنه
والله لو تشوفون بشرتها وقو لحمها ماتصدقون وهي بعمر 80 سنه

5- الجوع الجوع الجوع عدوا الرحم انتبهي تجوعين بالنفاس والدوره

6-تدفية الجسم ضروري بالصيف وبالشتاء
البسي شورت نص الفخذ قطن اصلي من نعومي
وبنطلون صوف خفيف بالصيف وثقيل بالشتاء
ولفي على راسك ملفع ضروري علشان مايجيك خوا الراس والهوا مايدخل اذانك
ولاتمشين على السراميك بدون شراب او شبشب

7- وهذا ضروري جداً كحلي عيونك بكحل قلم كل يومين علشان مايجيك خوا العين
واذا تبين تعرفين متى العين فيها خوا اذا مامسكت الكحل
والكحل زين بالنفاس والدوره
وبعض الحريم يستخدمون الحجر وانا مااستخدم الا القلم ومن مكياجي بعد خخخخ


ونفس الشي

الاكل
1- الـ20 يوم الاولى تركزين على البرّ
وبعدين براحتك اهم شي ماتجوعين
واكلو سلطه مع الغدا والعشاء
واخذوا عصير برتقال مع بنجر
او اي عصير طازج تحبينه

&&&&&&&&&&&&&&&&&

مابي وحده تقول باسمن وبنفجر من النظام هذا لان الوحده اذا ماهتمت بالنفاس وزان رحمها والله ماينفعها شي الا تتنفس مره ثانيه اربعين يوم
ولاطلعتي من الاربعين سوي رجيم وادخلي نادي وبيصر جسمك زي ماتبين

&&&&&&&&&&&

بالنسبه لعنايتي بجسمي انا حريصه على العنايه من احمل الين اطلع من النفاس
واهم شي ركزوا على الحمام المغربي الزين اللي يشيل الطبقه السودا اللي على الجسم

&&&&&&&&&&&&&&

التمارين للبطن بعد الـ15 يوم الاولى اعمل تمارين البطن 50 مره الصباح و50 مره بالليل
<<<<<<<<<<<< متعوده على النادي
والف بطني بشد خاص للبطن
والشماغ ممتاز بعد
مااطلع من الاربعين الا بطني لاصق بظهري


إرسال الوصفة