دجاج مشوي بالملح على الطريقة التركية

بواسطة: شيف أبو بلال

تاريخ الطبخة: 29/08/2020

طريقة دجاج مشوي بالملح على الطريقة التركية

مقدمة الطريقة التركية لشوى الدجاج

الدجاج المشوى له فوائد صحية وغذائية رائعة.

يعتبر طعام اّمن للمرضى اللذين يعانون من السمنة المفرطة.

مشاوى الدجاج تحتوى على نسبة عالية من البروتين والفيتامين.

مشاوى الدجاج تحتوى على نسبة كبيرة من الأحماض الموجودة فى اللحوم الحمراء.

مشاوى الدجاج ليست لها اّية اّثار جانبية عند تناولها عكس اللحوم الحمراء.

مشاوى الدجاج ذو فوائد مذهلة للجسم حيث تحتوى على الفيتامينات والمعادن والبروتينات والدهون و الكربوهيدرات.

تحتوى على الكوليسترول حيث كل 100 جرام تحتوى على 90 مليجرام من الكوليسترول.

مقادير الطريقة التركية لشوى الدجاج

نحتاج حبة من الدجاج وزن لا يقل عن 1000 جرام.

نحتاج 3 كيلو جرام من الملح يفضل الملح الناعم.

نحتاج الى ورق زبدة.

نحتاج الى ورق المنيوم ( فويل )

كمان عاوزين علشان نتبل الفرخة حبة من الطماطم وكم فص ثوم وحبة من البصل

وزنجبيل طازج او بودرة ونحتاج ليمونة صغيرة وملعقة كبيرة من الخل

ونصف ملعقة صغير مستردة. وعاوزين ملح وفلفل أسود وبابريكا حلوة

وقليل من الشطة الناعمة ( إختيارى ) ورشة روزمارى ناعم ورشة قرفة

ورشة جوز الطيب.

نحتاج شوية زيت من أى نوع.

كده إحنا جهزنا كل المطلوب علشان نجهز العروسة للفرن.

بينا بشوف راح نعمل إيه مع فرختنا الحلوة قبل ما تدخل الفرن

البصل مع الطماطم مع الزنجبيل مع الثوم فى الخلاط ونصفيه علشان ناخذ العصير بتاعهم.

على نفس العصير نعصر الليمون ونضع الخل والمستردة والزيت ونخلط جيدا.

على نفس الخليط راح نضيف الملح والفلفل الأسود والبابريكا الحلوة والروزمارى والقرفة ورشة

جوزة الطيب ورشة الشطة ( إختيارى )

نخلط جيدا حتى يتمازج الخليط

نحضر العروسة ( الفرخة ) ونحميها بالصوص اللى عملناه ونشربها من الداخل والخارج لغاية ما تقول كفاية أرحمونى.

معلش العروسة لازم تتحط فى الثلاجة لمدة 12 ساعة علشان اللحم يشرب من الصوص .

نييجى لأهم حاجة وهى زفة العروسة :

عندنا 3 ك من الملح راح نرش عليهم قليل جدا من الماء علشان ننديه شوية.

نحضر صينية الفرن ونضع فيها كمية من الملح تعتبر فرشة تحت العروسة كمية كويس[FONT=']ة [/FONT]علشان تكون طبقة سميكة تحت الفرخة.

نحضر العروسة اللى نايمة فى الثلاجة ونلفها فى ورق الزبدة على ثلاث مرات .

أيضا نلفها فى ورق الألمنيوم أكثر من مرة تلف جيدا لغاية ما نكتم نفسها وتقول الحقونى بس ما تسمعوا كلامها

لفوا كويس.

يا عينى على بختك يا فرخة يا مسكينة حطوها على فرشة الملح فى صينية الفرن مسكينة وغطوها يعنى إدفنوها

حطوا كل الملح الباقى عليها متخلوش ولا حتة ظاهرة منها.

يلا نزف العروسة وندخلها الفرن على درجة 250 لمدة ساعتين.

بعد ساعتين تخرج العروسة من الفرن ونكسر الملح اللى هيا مدفونه فيه وشوفوا بقى العروسة وجمالها

شكل وطعم ورائحة وطعم وتست عالى جدا . بألف هنا....

طيب عندنا شوية ملاحظات مهمة على على العروسة المسكينة دى يمكن نحسنها شوية:

نقدر نحشى الفرخة دى بالأرز . لو عندك شورية أرز فى الثلاجة تقدرى تجيبى 3 أو 4 من كبد وقوانص

وقلوب الدجاج وتعملى تخديعة جميلة بالبصل والثوم والفلفل الأسود وتخلطيها مع الأرز وتحشى بيها

الفرخة أقصد العروسة وشوفى الطعم بعد كده ( مفيش داعى تخبرى أحد عن الطريقة دى لانها أسرار )

ممكن نحشى بالخضار أى نوع عندك بالثلاجة.

ممكن نحشى بالفريك المستوى من الأول لأن أى حشو غير الخضار مش راح يستوى ( متسمعيش أى كلام غير كده )

حافظى على جلد العروسة وأنتى بتحميها وبتنظفيها.

الصوص ممكن بأى بهارات موجودة عندك إذا كانت بعض الأصناف مش متوفرة.

بس لا غنى عن الطماطم والخل والبصل والثوم والليمون.

مع تحيات شيف محاسب / أبو بلال